今次同老公兩個人去打邊爐，我哋都鍾意食椰子雞。見到呢間主打椰子雞(文昌雞)嘅餐廳，未食過見到裝修都幾靚所以就去試下! 我哋大概6點左右到旺角，walk in直入唔洗等位。湯底都有好幾款，不過我哋都係想食返佢哋竹笙椰子雞煲。店員喺我地面前拎住泰國椰青，即場開殼再倒入鍋，堅係有椰子肉同椰青水!! 湯底滾起之後，店員就幫我哋落雞再煲4分鐘，跟住店員就幫我哋上菜，先飲湯、食雞。 再開始打邊爐，個湯底真係好鮮甜，雞肉好鮮嫩，性價比好高!!個湯適合一家大細飲，淨係湯都飲咗兩碗!點擊圖片放大 另外，我哋點咗份安格斯雪花牛肉、鹹蛋黃蝦丸、空中花園(打卡一流)。鹹蛋黃蝦丸超足料，鹹蛋黃味超咸香，好正呀!! 一咬就咇蛋黃油出嚟!!點擊圖片放大 空中花園有好多款種類食物，有肉、菜、蟹柳、響鈴、鹹蛋黃蝦丸、牛丸。 如果唔係好大食，但又想食多啲款，都建議大家嗌呢個。打卡都好靚~凍檸茶 $38 (大大杯，勁巨型!) 仲有醬料區，都多選擇。 佢哋除咗打邊爐之外，仲有煲仔飯、乳鴿、小食及廣式甜品等。不過，我哋已經好飽，所以冇試到甜品。 木系裝修，打卡一流，而且都坐得好舒服，下次可以再嚟!鳳園椰子雞地址: 旺角豉油街36-42號榮高大廈地下至2樓 #香港美食 #鳳園椰子雞 #香港旅遊攻略 #香港好去處#椰子雞備選話題 #香港探店 #旺角美食 #香港必食 #雞煲 #火鍋#親子聚餐 #100個港人旅遊攻 #我的打卡地圖 #100個港人推介親子好去處 #社群共創攻略 #香港美食攻略 #香港購物攻略 #香港打卡攻略
