作為吉伊卡哇(ちいかわ)嘅粉絲，都必定知道佢哋喺沖繩有一間專門店。但最近沖繩仲有兩間Chiikawa期間限定店，呢次仲有限定餐廳，由2025年7月25日至8月31日，位於沖繩San-A浦添西海岸PARCO CITY。 呢個商場，我每一次都會去，因為都好好行，好多嘢睇。而我當日去見到餐廳，可以walk-in唔洗排隊，其實餐廳主打飲品為主(包括Yougurt 飲、果凍飲、咖啡等)。飲品Chiikawa造型都好吸引，之不過口味方面真係唔適合我哋，所以我哋就冇入去品嚐及打卡啦。 隨飲品附送，隨機款式嘅Chiikawa咖啡原創清空杯墊! 另外，必到旁邊嘅Pop Up Store!! 有Chiikawa嘅Tee、公仔、匙扣公仔、精品、盲盒精品、餐具、袋、貼紙等等。點擊圖片放大 +4 購物滿含稅4,400日圓以上，仲可獲贈「原創購物袋第2彈設計」，商品店有超多主題商品，鍾意嘅朋友真係可以爆買呀!!!點擊圖片放大 +3 【沖繩期間限定! 吉伊卡哇Chiikawa餐廳及Pop Up Store】地點：San-A浦添西海岸PARCO CITY 3樓 綠色區域 POP-UP SPACEMap Code：33 308 868*53開放時間：≪餐廳≫10:00～21:00≪商品店≫10:00～22:00 -----------------------------------------------------我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
