嚟到日本，如果鍾意食刺身，大家一定要去魚市場!因為特別新鮮，而且即買即食，都超級方便呀! 至於沖繩就有三個知名的魚市場 (泊港漁市場、系滿魚市場及泡瀨漁港)。2024年8月我哋到訪過泊港漁市場，佢雖然係沖繩最大嘅魚市場。不過座位就比較少，所以如果行程上有小朋友、老人家就比較唔方便。座位亦好少，想坐低食其實比較難。《關於泊港漁市場的介紹文: https://bit.ly/3ZXV9Ei》今次我哋選擇去到系滿魚市場，如果從那霸機場出發的話，大概10-15分鐘的車程便可到達。系滿魚市場座位比較多，方便買完即刻坐低食。 但店舖就比泊港漁市場少，但兩者之間我都係比較喜歡系滿魚市場。可能本身我主力親子遊，加上唔係特別食刺身，以及以小朋友(熟食)為主，呢到會比較合適。 系滿魚市場店舖雖然唔多，我諗大概有10間店左右。但都係刺身、壽司、熟食、炸物種類選擇都多，仲有生蠔食，如果鍾意食生蠔一定要試下呀!重點係1,200円有3pack 刺身，即係港幣$65左右就有3pack刺身!!! 抵食得好誇張呀!!生蠔500円一隻，即港幣$27左右。生蝦300円一隻，港幣$16左右，睇相都覺得幾肥美同大隻!點擊圖片放大 +6 如果本身唔係特別鍾意食刺身，呢到熟食種類選擇比較多，會比較適合。點擊圖片放大 +7 大大隻蝦，隻蝦仲長過我手掌呀!日本嘅魚市場，刺身真係超新鮮好食! 而且係好抵食!鍾意食地道日本嘢，就一定要到魚市場呢! 當日嚟到人雖然多，但等一陣都有座位。 加上亦設有商店，又可以去買手信啦~ 系滿魚市場外亦設有露天停車場，都係免費㗎。【系滿魚市場】Mapcode：232484199地址：日本沖繩縣糸滿市西崎町 4-19營業時間：10:00~19:00（無休）-----------------------------------------------------我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
