沖繩必去景點之一《美國村》，雖然幾年前拆咗摩天輪，不過呢到依然都係旅遊景點。 日落時份嚟，相信景色都一樣靚! 而最近仲有以寶可夢為主題，整個美國村都會有比卡超、小精靈嘅壁畫打卡留念。如果係寶可夢Fans一定要嚟捉精靈打卡留念啦~ 美國村即使嚟過，第二次再嚟都唔會覺得悶。因為好多位影相打卡都好靚，呢到真係好有特式!點擊圖片放大 +2 亦有唔少特式商店，可以慢慢閒逛購買紀念品。 當日我哋仲喺美國村食午餐，試咗沖繩都多分店嘅《Steak House 88》，CP值都高嘅牛扒半自助餐。 最平大約2,000円就有一塊扒，仲有自助吧可以無限拎沙律、前菜、薯蓉、湯、飯、飲品等。點擊圖片放大 牛扒質素都唔錯，好食呀! 仲有兒童餐選擇㗎~都好豐富，有埋小朋友最愛嘅薯條。 美國村真係一個好有特式嘅地方，鍾意影相一定要嚟呀! 【沖繩美國村】地址: 沖繩縣中頭郡北谷町字美濱16-2Map Code: 33 526 450*63-----------------------------------------------------我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
