今次沖繩親子遊，由於行程都緊密。所以行程上，我哋相對較少預先book枱食飯。加上日本大部份食物都係好食，好少會遇到低質素餐廳。 今次我哋喺亂打亂撞之下，去咗一間好地道平民嘅火鍋放題餐廳《しゃぶ葉放題》 。晚餐由1,799円起 (稅入1,979円)至2,699円(稅入2,969円)，小學生999円(稅入1,099円)，幼兒仲係免費。100分鐘限時放題，不過都夠時間嘅。同埋價錢都真心超抵! 晚餐最貴o個個set都係大人都係大概$154港紙就食到牛、豬及壽司任食。 由於比較地道，我哋當日嘅店員都唔係太識聽英文。除咗肉可以無限order之外，仲有飲品吧、沙律吧、甜品吧及火鍋料可以自行去取。 牛嘅質素當然唔能夠同石垣牛、和牛同阿古豬比啦，始終價錢反映了一切。但係都食得好滿足，好開心嘅。沙律吧、火鍋料，選擇都算多。 甜品吧真係超讚! 有自製棉花糖、刨冰、窩夫、軟雪糕。點擊圖片放大 +4 仲有飯、烏冬。 座位空間都算舒服，落單可以用返餐廳平板電腦order，好方便!點擊圖片放大 +2 《しゃぶ葉 那覇小禄店》地址: 沖縄県那覇市金城5-8-11-----------------------------------------------------我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
