再北上遊玩，我哋今次帶咗兩姊妹去《深圳野生動物園》玩~ 園內有超多野生動物睇，而佔地面積有64萬平方米，真係超級大㗎!!!而園內有近萬隻野生動物，當中亦有唔少世界珍禽名獸及國家一、二級嘅保護動物。例如華南虎、東北虎、金絲猴、火烈鳥、丹頂鶴、麥哲倫企鵝、長頸鹿、斑馬、亞洲象和犀牛等。還有動物園自己繁殖嘅虎獅獸及獅虎獸!!!記得出發前，先預訂門票呀~ 價錢HKD 99/人起 (每張成人門票可帶同一名1.2米以下的兒童) https://www.kkday.com/zh-hk/product/29259?cid=14923 另外，入場後都要留意表演時間表。 園區好大，其實配套上佢哋都好貼心。有付費嘅觀光小火車或者付費智能伴遊車。觀光小火車會途經6個站，收費方面都合理，可以揀一個價錢不限次數或者單次乘坐。<不限次數> 成人: RMB 40/人, 身高1.5米以下的兒童或65歲或以上長者: RMB 20/人<單次> 成人: RMB 30/人, 身高1.5米以下的兒童或65歲或以上長者: RMB 15/人 智能伴遊車，就好似電動嘅家庭單車咁。一架車大概可以載4人，首1小時RMB 120，一小時後RMB 60/30分鐘 由於我哋一行6人，所以唔太適合租智能伴遊車。而且價錢比較之下，小火車抵玩好多。 但就唔及智能伴遊車咁點對點，所以都係隨個人喜好啦~園區入面共有4間餐廳，天鵝餐廳、馬戲餐廳、猿猴餐廳、海洋餐廳。每份飼料一般都係RMB 20/份左右，記得如果想坐車餵獅子。一定要預早購票呀!! (RMB 50/人) 我哋當日太遲去...已經賣晒車票，冇得搭車餵獅子老虎食嘢。但坐唔到車餵老虎，其實都可以從高處觀賞老虎。點擊圖片放大 +2 同時呢到好多動物都可以俾錢買飼料餵飼，今次都係我哋第一次咁近距離見到「小香豬」。仲可以餵BB豬食奶，真係好得意呀!!今次嚟到，兩姊妹都有好多新體驗。餵大象食嘢、餵豬豬飲奶、餵草泥馬、騎馬仔。點擊圖片放大 +2 ^ 和牛B家姐話好驚，所以佢冇一齊餵~點擊圖片放大 +2 付費活動之一，騎小馬 ^ 妹妹表示: 媽咪!! 超好玩，我好開心呀!!騎住小馬行一圈，RMB 60/位。如果唔騎，淨係影相 RMB 20/位。 其實園內動物多到...我睇完都唔記得睇咗咩動物、咩品種咩啦~點擊圖片放大 +8 仲有馬戲雜技表演，入場券只係RMB 10/位!!都好精彩㗎!!點擊圖片放大 爆谷RMB 15/份，呢個size，真係抵食~ 不經不覺，就嚟到玩咗6小時啦!但仲未玩晒同睇晒所有動物，呢到算係最近香港、又唔洗搭飛機嘅野生動物園。所以，都值得推薦大家過嚟遊玩呀~記得預先購票哦~ (https://www.kkday.com/zh-hk/product/29259?cid=14923)【深圳野生動物園】地址: 深圳市南山區西麗湖路4086號開放時間: 9:30am. - 6pm.園內亦可存放行李: (5pm. 前可於檢票處提領，5pm. 後於出口處保安處領取。) 售票時間：09:15-17:00 檢票時間：09:30-17:00 門票成人 HKD 99 (每張成人門票可帶同一名1.2米以下的兒童) *必須出示香港／澳門身份證之有效證件，方可進場。預先購票: https://www.kkday.com/zh-hk/product/29259?cid=14923============================記得Follow埋我哋Facebook同Instagram呀https://www.facebook.com/80smamihttp://www.instagram.com/wagyubmami/============================和牛B & 和牛媽媽 YouTube Channel https://www.youtube.com/c/Wagyubmami============================快啲加入，和牛媽媽吃喝玩樂whatsapp群!https://chat.whatsapp.com/FnjFwLAyrGW8s4BWpBOYpv記得加入和牛媽媽最新嘅玩樂分享Group，大家仲可以一齊分享好玩、上興趣班好介紹哦~https://www.facebook.com/groups/145854551755966
