趁住和牛b考完試，爸爸又生日，今年我哋就去咗澳門慶祝生日同埋過年前去個短Trip放鬆一下~我知道最近史諾比與好友去咗「澳門上葡京綜合度假村」(Grand Lisboa Palace Hotel )，原來不經不覺《花生漫畫》已經75周年啦~所以酒店內外都設有史諾比嘅擺設及裝飾，真係好可愛呀!! 如果鍾意史諾比嘅你，真係千祈唔好錯過呀!! kkday住宿優惠: https://www.kkday.com/zh-hk/product/137579-macau-grand-lisboa-palace-resort-hotel-accommodation?cid=14923 我哋今次仲入住咗澳門上葡京綜合度假村，和牛b同妹妹一到酒店，見到酒店大堂嘅史諾比大型賀年裝置，就已經超級開心啦!! 整個酒店大堂樓層、酒店外圍、商場四周都有不同嘅賀年史諾比裝置!點擊圖片放大 仲有經典《花生漫畫》嘅故事畫集展出。點擊圖片放大 +2 酒店亦有史諾比同查理. 布朗嘅見面會~名額有限，先到先得 (記得留意日期及時間哦) ^ 不過我哋趕唔上，已截龍，所以只能遠遠地影張相留念~見面會日期: 2025年1月18、19、25、26、29至31日及2月1、2、8、9、15及16日見面會時段及地點:時段一: 下午2時至2時20分 - (拍照時段) 地面層史諾比打卡牆 (上葡京禮品廊旁)時段二: 下午3時至3時20分 - (拍照時段) 一樓《花生漫畫》紀念品店時段三: 下午4時至4時20分 - (巡遊) 一樓《花生漫畫》紀念品店 而酒店入面嘅「上葡京大堂酒廊」仲特意推出全新Snoopy 主題美食，好味道之餘，打卡絕對都係一流㗎!!點擊圖片放大 主題美食有意粉、飯、漢堡包選擇，仲有甜品同特式飲品。 呢個史諾比番茄豬肉餅飯，真係超可愛，完全唔捨得食呀!!! ^ 肉丸拌茄醬意大利粉 ^ 照燒雞排漢堡配薯條 ^ 史諾比及胡士托蛋糕 ^ 史諾比水果奶昔 ^ 大吉大利柚子茶 ^ 史諾比棉花糖朱古力(點餐時，我本來想點Latte，不過店員好窩心，佢同我講小朋友飲的話可以轉做朱古力!!) ^ 鴻運當頭咖啡拿鐵，咖啡杯係好靚嘅中國風。餐廳入面亦有史諾比打卡位置，都係歡迎食客拍照㗎。點擊圖片放大 除咗主題美食之外，又點少得精品呢?酒店入面仲有史諾比嘅期間限定紀念品店，真係超級多佢哋嘅精品呀!! 當中仲有會場限定商品、優先發售商品。點擊圖片放大 +5 另外，期間限定紀念品店旁仲有一部《花生漫畫》主題照相亭，一張相可以影四格唔同㗎~ 限定史諾比主題嘅照相亭，又點可能錯過呢?! 即睇以下參加方法啦~1. 只要出示澳娛綜合旗下指定酒店餐飲或零售店 (包括澳門上葡京綜合度假村、新葡京酒店及回力海立方酒店)單筆消費滿澳門元300或以上的當天收據。2. 出示於上葡京「史諾比冬日假期」展覽拍攝的照片。3. 登入/ 加入澳娛綜合至尊卡會員> 我的錢包> 出示指定電子禮券 除此之外，期間限定紀念品店對出仲有史諾比與好友嘅大型賀年裝置，千祈唔好錯過打卡機會呀!點擊圖片放大 +3 更多關於史諾比主題資訊:https://www.sjmresorts.com/tc/happenings/snoopy-winter-holidays今次係我哋第一次澳門上葡京綜合度假村，係五星級嘅感覺。酒店大堂、房間都係好新淨好靚! 大堂嘅裝修更係好奢華好名貴。 ^ 等候Check in期間，酒店職員送俾和牛b同妹妹嘅小禮物 (森仔填色簿及顏色筆)。點擊圖片放大 我哋房間係望園景，景色好靚! 正正係望到酒店內嘅綠茵勝境花園 (Jardim Secreto)。點擊圖片放大 綠茵勝境花園 (Jardim Secreto) 日與夜都咁靚! 酒店房間衛浴方面，係乾濕分離，有浴缸亦有淋浴間，亦有衣帽間。 如果帶住小朋友過嚟玩，如有需要亦可以致電服務台領兒童拖鞋、牙具及沖涼套裝。 澳門上葡京綜合度假村內外都好靚，真心好多地方都係打卡一流呀!! 就好似酒店三樓嘅綠茵勝境花園 (Jardim Secreto)，歐陸式庭園設計，以歐式石柱走廊和樹籬迷宮。和牛b同妹妹見到迷宮都好開心，仲衝入去玩咗好幾個圈呀~ 而家仲設置咗史諾比與好友嘅人物，一定要嚟影多幾張相留念呀!!!點擊圖片放大 +3 ^ 仲有大大隻充氣財神史諾比夜晚又有另一種風格，一樣都係咁靚!點擊圖片放大 +2 至於晚餐我哋就去咗酒店二樓嘅Lisboa Bistro到食葡國菜，嚟到澳門我覺得葡國菜真係要必食。Lisboa Bistro係最近新開，餐廳內都係以葡國風格裝修，真係好靚呢!點擊圖片放大 +2 餐前嘅免費餐包，暖笠笠而且好軟熟，好味呀! 仲可以免費添食㗎。 前菜: 八爪魚沙律 烤乳豬一份 (配有薯片) 燒安格斯肉眼扒配粗薯條 炒雜菜 甜品: 時令雜果沙律、朱古力慕絲、雞蛋布甸 餐廳仲有一個飲品Menu，有特色雞尾酒及特色無酒精雞尾酒。我同爸爸分別點咗一人一杯無酒精雞尾酒，好飲，而且好大杯呀! ^ Costa Estoril - 係荔枝、椰子水、薄荷及檸檬水 ^ Pinky Genration - 蔓越莓、士多啤梨、檸檬及檸檬水第二朝，早餐我哋去咗自助山食早餐! 比起一般酒店自助早餐，呢到真係超級多嘢食~~亦都好好食!點擊圖片放大 +7 食飽後，我哋就去咗近年好興嘅沉浸式光影展參觀。今次呢個展係為咗慶祝澳門特別行政區成立25周年，所以澳娛綜合攜手享譽世界嘅日本創意公司NAKED INC.一齊打造是次限定展覽，「澳娛綜合呈獻Macau Art City 之 NAKED OCEAN 海洋濠鏡沉浸式光影展」。 展覽以突破傳統嘅方式融合藝術、科技與創意，以光、影展現出豐富多彩嘅海洋世界，好似真嘅一樣呀!! 海洋主題投影、配以互動螢幕及視覺裝置，營造出虛擬嘅海洋空間。展覽入面分成8個主題區，每一個主題區都各具特式!!而且，畫面真係超真實呀! 真心推薦，一定要嚟!!碧海銀沙光影打造出沙灘與澳門風景，好似去咗澳門海邊一樣! 然後我哋就從呢到進入海底世界啦~ 印度洋—幻海浮光只要將手放喺牆身郁動，畫面就會出現不同變化!! 南大西洋—魚潮奇觀深入海底世界，我哋都會化身成一條...魚 (哈) 北大西洋—魔域星火可以透過燈籠魚嘅微光，探索未知嘅海底世界!! 一齊同小朋友一齊探索同發掘新事物。 北冰洋/南冰洋—冰海天使燈光同影像會不停轉變，每一個畫面都好靚!!! 點擊圖片放大 南太平洋—珊瑚密堡點擊圖片放大 ^ 和牛b好投入欣賞、體驗呢個展嘅同時，都忙住拍攝留念。北太平洋—深海奇遇 濠鏡洋—生命樂章呢個區小朋友最開心，因為有一個小小嘅白色沙池。 每隔4分鐘，就會有一場歷時大概5分鐘的短片，真心精彩! 一定要睇呀! 另外，商場另一邊仲設有副館。點擊圖片放大 +2 【澳娛綜合呈獻Macau Art City 之 NAKED OCEAN 海洋濠鏡沉浸式光影展】展覽日期：即日起至2025年3月16日展覽地點：澳門上葡京綜合度假村購物中心一樓展覽門票澳門元158起澳娛綜合至尊卡會員尊享正價門票88折優惠（僅適用於現場購票）。詳情: https://www.sjmresorts.com/tc/happenings/sjm-naked-ocean-exhibition前往方法:澳門上葡京綜合度假村設有免費穿梭巴士服務，而且都好多方便，有好多條唔同專線。如: 港珠澳大橋、氹仔客運碼頭、外港客運碼頭、澳門國際機場等)詳細資料: https://www.grandlisboapalace.com/tc/shuttle-bus-service澳門上葡京綜合度假村Grand Lisboa Palace Hotel地址﹕澳門路氹射擊路https://www.grandlisboapalace.com/tc我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
