今次嘅有老有嫩觀光+玩樂沖繩遊，觀光一定要來「古宇利海洋塔」。 地點位於沖繩北部，雖然地點比較遠，但絕對值得來訪!從那霸機場前來大約1.5至2小時車程，前往「沖繩美麗海水族館」大約半小時，所以建議行程可以安排同日進行。來到古宇利海洋塔，最特別就係可以搭乘免費嘅「無人駕駛高爾夫球車」。沿途會有熱到植物庭園造景，欣賞景色。點擊圖片放大 +2 **注意! 係唔可以中途落車拍照㗎! 到站下車，會從一樓進入，可先到參觀「貝殼博物館」，或直接搭升降機往2至4樓展望台。另外，二樓設有餐廳咖啡廳區域。點擊圖片放大 +5 貝殼博物館入面收藏咗好多大小、不同款式嘅貝殼，真係大開眼界呀!同時，亦設有紀念品區，可以慢慢選購。然後搭乘升降機往海洋塔進發，低層係室內觀景台，再行樓梯可到達頂層。 露天嘅塔樓，可環景眺望，古宇利藍天碧海嘅景色! 風景真係超靚，但注意! 都係超級大風呀~點擊圖片放大 嚟到露天展望台，記得要敲鐘呀，官方介紹係「敲響幸福的鐘聲」。 古宇利海洋塔設施古宇利海洋塔整個園區，佔地唔算好大，參照其他人介紹一般預計停留時間大約一個小時就夠。不過，我哋慢慢欣賞貝殼博物館嘅展品、影相、購買紀念品，再午餐。我哋大概2-3小時才離開。點擊圖片放大 位於二樓嘅餐廳，餐廳望住古宇利海，風景優美。食物都適合大人及小朋友，可以我哋都先食個午餐再繼續行程。點擊圖片放大 +3 仲有小朋友最愛嘅兒童餐可選呢~ 自駕遊到古字利海洋塔的話，呢到有提供免費車位。入場費: (資料來源自官方網站)- 成人 (16歲以上) 1,000 yen- 學生 (6-15歲) 500 yen- 6歲以下 免費【 Klook 購票優惠 】去完古宇利海洋塔，如果有時間可以順便到出名嘅心型岩拍照留念。 心型岩附近一帶有幾個停車場，停車後主動將停車費投入錢箱便可以。 落車後，沿著指標往心型岩嘅方向走，唔算好遠，不過沿路都係好多沙石、小岩石。所以路比較難行，建議穿著防滑嘅鞋。 我哋當時因為受颱風影響，所以超大風、海浪超大亦有潮水漲，安全起見我哋當時冇行落去影相。 【 沖繩 | 古宇利海洋塔 Kouri Ocean Tower 】地址: 沖繩縣國頭郡今歸仁村古宇利538番地開放時間: 請參閱官方網站Map Code: 485 693 485*14https://www.kouri-oceantower.com/【 沖繩 | 心型岩 (愛心石、ハートロック) 】地址：沖繩縣國頭郡今歸仁村古宇利Map Code：485 752 092*56/ 485 751 179記得Like我哋Facebook及設定為搶先看，收睇我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
