5月嘅時候，我哋北上去咗好受歡迎嘅「深圳兒童探索館」，呢到一個價錢玩足一日! CP值好高，比起一般Playhouse更值得去玩。首先嚟到呢個充滿多巴胺風嘅七彩大廈，已經好吸睛! 地下有市集，大廈入面仲有餐廳，而我哋今次主要就係去「深圳兒童探索館」。 場地佔地有4,000平方米，有三層樓高!! 有多個展區，唔同主題，有動有靜，適合唔同年齡層嘅小朋友。點擊圖片放大 一入場就見到其中一個展區北極、沙漠、雨林等自然世界區域，讓小朋友可以從遊戲中探索世界有趣嘅事物。點擊圖片放大 +3 另一邊就有職業體驗嘅專區，小朋友可以扮演腸粉店、粥店店員、仲有獸醫、消防員、鐵路維修員等。點擊圖片放大 +2 小朋友仲可以換上制服，登上消防車打卡。點擊圖片放大 +2 旁邊仲有救火遊戲玩，真係有水射出嚟㗎!! 腸粉粥店呢個位，好有心思!點擊圖片放大 三樓頂層仲有得做船長，體驗揸船~點擊圖片放大 地下仲有一個玩水區，可以透過唔同組件，讓水流動或靜止。(旁邊仲有提供拖鞋及雨衣，防止整濕) 另一個水池區，位於三樓樓層。 仲有3層樓高嘅迷宮陣，有刺激水管滑梯等。點擊圖片放大 汽車設計工作室，透過電腦投射技術，將小朋瘢嘅設計技射到汽車身上。 來到頂層關於人類構造，有巨大化嘅人。小朋友可以爬入咀入面，睇下人結構。 仲有超大鼻孔，當大力拉扯鼻毛嘅時候，大鼻孔仲會發出聲音! 真係超得意呀! 鍾意放電嘅小朋友，一定會玩嘅體能區可以跑步、射籃球、平衡遊戲等。點擊圖片放大 +2 仲有適合幼兒嘅玩樂區，有積木、小滑梯等。 感官探索展區，入面以不同的光影效果打造，設有管道泡泡、變色光纖等設施，打卡一流呀!點擊圖片放大 +2 仲有學習電嘅正、負極，著電源駁好。 *場內設有洗手間*進入探索館必須穿著襪子「深圳兒童探索館」由於大受當地人及香港人歡迎，所以建議出發前先預約哦~~預約方法： 微信搜尋「深圳兒童探索館」進行預約，每次可預約三天內的時段。入場費: 親子票價為149元，加一位成人需加50元，加一位兒童需加99元。 【深圳兒童探索館】地址: 深圳市福田區景田路78號深圳婦兒大廈裙樓1層 (地鐵2號線景田站C出口)營業時間: 上午10時至晚上8時 (逢星期一休館)記得Like我哋Facebook及設定為搶先看，收睇我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
