「站見」鐵路展展覽於2024年4月開始免費展出，由於入面展出多項極珍貴展品，所以預約長期爆滿! 最近好幸運，終於留意到有空檔嘅預約期啦~~重點係有星期六、日嘅時段~(文末附上預約方法及詳情) 展覽場地位於紅磡站，近C1出口位置。有個大大嘅列車車頭打卡位~ 展覽入面仲展出3大退役列車，其中兩架列車仲可以登上列車影相打卡留念。3大退役列車，當中包括英國製造的東鐵線第一代電氣化列車「黃頭」、中期翻新列車「烏蠅頭」，以及56號柴油電動機車「杜利華號」。 東鐵線第一代電氣化列車「黃頭」 以前未同港鐵合併前嘅火車Logo 充滿回憶嘅車廂，細細個搭「火車」嘅時候，橙色嘅櫈係火車嘅象徵!點擊圖片放大 圓波波嘅扶手 頭等車廂中期翻新列車「烏蠅頭」 平時冇機會見到嘅車長室 頭等車廂點擊圖片放大 而家已經退晒役嘅車廂，都係同平時嘅車廂唔一樣。56號柴油電動機車「杜利華號」 除此之外，仲有過百件鐵路珍藏，真係好有歷史價值同回憶呀!! ^ 真係回憶都返晒嚟呀! ^ 過去港鐵列車制服 展區內仲以不同姿態，展出逾百件鐵路收藏品，如一系列的訊號燈和列車部件等等。點擊圖片放大 +7 而場內仲有即影即有相機，相框可以選不同年代港鐵職員的制服人物造型。 列車嘅歷史悠久，當中更展出港鐵職員初期制服、衣飾。亦可以詳細了解鐵路歷史及故事，真係獲益良多。 離場嘅時候，仲會獲得復刻版車票，真係極具收藏價值呀!! 離場後，仲有少量打卡位及精品售賣處。 預約方法:個人預約可於參觀日前30日之凌晨12時開始，透過網上預訂門票。每次只限4人或以下（不足3歲亦當1人計算）成功預約，會收到確認電郵。馬上預約: https://stationrailvoyage.mtr.com.hk/email_verify/event/3027注意示項:場內不設洗手間，如中途離場去洗手間將無法再次進入展區。另外，必須謹記要愛惜場內展品哦。 開放時間: 逢星期二至日及公眾假期（星期一休館） 場次：上午9時30分、上午11時正、下午12時30分 、下午2時正、下午3時30分及下午5時正（每場參觀時間為75分鐘）地點: 紅磡站大堂 (近C1出口)記得Like我哋Facebook及設定為搶先看，收睇我哋發掘最新、至好玩嘅好去處呀。https://www.facebook.com/80smami/http://www.instagram.com/wagyubmami/https://www.youtube.com/@Wagyubmami/
