早前留意到Playright 智樂官網進行「智樂遊戲外展：智樂遊樂車」活動報名申請。是次活動於樂富廣場進行，活動亦只有3天!! 亦由於名額有限，所以當時都要好快手進行預約申請!! 而本篇係活動重溫。其實今次，亦都係我第一次預約佢哋「智樂遊樂車」嘅活動。 等咗好耐，終於到活動當日啦!!活動於戶外進行，為期三日 (設兩個遊玩時段，每節兩小時)。幸好當日天氣晴朗，如果落雨的話，活動就要取消了....「智樂遊樂車」有好多不同遊戲組件，車上有、車外(空地)也有。 車內有磁貼白板牆，可以畫畫，可以玩磁貼。也有一個玩樂小空間。 遊樂區內有智樂遊樂車之外，仲有大概6-7組唔同嘅玩樂設施。每樣遊戲都係可以訓練小朋友、身心、體力、超放電嘅遊戲。 超放電嘅遊戲，一定係呢兩張充氣彈床呀!!妹妹來回跳咗好多次~ 兩姊妹最溫韾嘅遊戲，家姐拉車，妹妹坐車。 靜態遊戲，大會提供咗一塊大黑板，配有唔同顏色粉筆，小朋友可以喺黑板上隨意畫畫或寫字。 訓練膽量以及身手嘅大型遊戲組 另外，大會仲提供不同尺寸嘅木框、索帶、魔術貼、布料、衣夾。小朋友可以同父母一齊搭建小家園，今次係第一次見和牛B落手落腳超認真去起屋。 仲同妹妹分工合作，妹妹仲好幫得上忙。妹妹會幫忙搵小工具返嚟起屋。 而且妹妹仲好有力氣! (哈) 屋仔終於起好啦~~ 今次參與呢個活動，好大得著!! 亦係一個很好嘅親子遊樂時光!!期待下一次智樂遊樂車出遊時間呀~~ 關於Playright智樂https://www.playright.org.hk/============================記得Follow埋我哋Facebook、MeWe同Instagram呀https://www.facebook.com/80smamihttps://mewe.com/p/和牛b的成長日記http://www.instagram.com/wagyubmami/============================和牛B & 和牛媽媽 YouTube Channel https://www.youtube.com/c/Wagyubmami============================我的網店C.Mozo Storehttps://cmozostore.mallogram.com/zh-hk/
