趁住年假，帶咗和牛B同妹妹嚟到元朗區嘅農莊遊玩。今次我哋係第一次嚟到元朗嘅「開心花園農莊」，呢到入場費都划算，地方大、空間足夠，而且仲有好多嘢玩!! 農曆年期間，入場費為$50/位，大小同價 (未足一歲可免費入場)。亦不設限時，所以我哋足足玩咗大半日! 真係大人細路都放晒啲電呀!! ^ 空間真心超大! ^ 單單係鞦韆，場內都有好多款鞦韆，數量亦多。 ^ 鞦韆 ^ 鞦韆亦有幼兒款，真係好窩心~妹妹都可以一齊玩 ^ 大繩網鞦韆 ^ 特式飛機鞦韆 ^ 海盜船鞦韆 ^ 適合大夥兒嘅活動，好好玩，亦好少見~ ^ 搖馬區 ^ 攀爬架 ^ 氹氹轉 ^ 多人氹氹轉 ^ 三人氹氹轉 ^ 四位玩嘅搖搖板 ^ 可以盛載六位嘅氹氹轉單車兒童健身設施~ ^ 呢個跑步機好好玩~ 除咗大量鞦韆，仲有公園兒童遊樂設施組。點擊圖片放大 公園設施共有兩組~ 滑板車、車場空間都大，所以小朋友都可以喺呢到玩農莊提供嘅滑板車。 有動有靜，仲有呢個黑板牆區。 影相位點擊圖片放大 ^ 田園小屋 ^ 打卡必影田園小屋，旁邊仲有長滑梯~當日我哋冇帶多套衫，所以都冇玩到沙池。 場內亦有充氣彈床，彈床區足足有3個大大嘅充氣彈床，價錢為$70/位全日任玩。點擊圖片放大 除了超放電嘅遊樂設施，農莊入面亦設有動物區。可以買飼料 ($10/份)餵羊、豬、龜。點擊圖片放大 也有籃球機，夾公仔機。 農莊亦都有即摘即買嘅菜，當日去到仲有百合花盛開，真係好靚呀! 疫情期間，農莊冇得BBQ。不過場內亦設有小食部，選擇都好多。 ^ 唔好意思，太肚餓…唔記得相機食先~ ^ 豆腐花休息空間亦足夠，如果冇疫情的話，呢啲位置就正正係BBQ嘅位。點擊圖片放大 洗手間: 場內有洗手間，沒有育嬰設施。 呢到真心好玩，而且價錢都划算。希望下一次再嚟，可以除低口罩同朋友一齊BBQ同遊玩啦~ 收費:BBQ 4hr任食燒烤/免入場費Timing時段 /自選4小時Adult成人/位child/ elder小童長者/位Mon-Thu星期一至四*平日11:30-22:00$ 140$ 80Fri星期五*平日$ 160$ 90Sat,Sun, Holiday星期六至日及公眾假期早場:11:00-15:30$ 160$ 90夜場:16:00-23:00*小童: 身高100-140cm計長者: 65歲或以上*燒烤幼童-身高低於100cm，收$ 35入場費*燒烤-開爐計4小時，玩設施不計時成人： 包2罐飲品 小童/長者：包1罐飲品* 豁免入場費 燒烤4小時1-6人1包炭, 7-12人2包炭, 如此類推不得外帶飲品，飲品只可向場地購買*特色燒烤食品(如乳豬）需另外收費，需於3天前致電預訂入場費: - $ 35/位 (大小同價,不燒烤) (不足1歲免費)- 付費BBQ者-可豁免前往方法:● 西鐵:→朗屏站(B2出口)→轉乘K66接駁巴士 (往大棠) →「大棠山路」巴士站-落車 →大棠山道站下車後，沿偉記食堂步行10分鐘即到● 小巴-紅van:→ 元朗:大棠 紅小巴 (元朗-千色廣場 停車場入口 對面) → 大棠山道 路口落車 → 經偉記食堂步行約8分鐘即到● 駕車: 免費停車場 (車位大概有廿多個) 【開心花園農莊 @ 元朗】地址: 新界元朗大棠山道 (往大欖郊野公園方向)電話: 6018 8755(黃小姐) / 9868 5420 (蘇小姐)http://www.yl.hk/hgf/--------------------------------------------------歡迎聯絡我&和牛B: chungying56@hotmail.comMeWe專頁: https://mewe.com/p/和牛b的成長日記Facebook專頁: 和牛B嘅成長專頁 Instagram: wagyubmami點擊圖片放大 +12
