九龍城以前嘅特式係咩呀?就係有香港嘅機場囉~~細細個嘅時候,我好怕跟屋企人去九龍城。因為成日都有飛機升降,飛機嘅聲真係好大、又巨型! 其實諗返,個畫面都幾震撼!因為大大架飛機,就喺頭頂飛過!而機場亦已經搬咗去赤鱲角N年,所以飛機喺九龍城升降都已經變成咗歷史啦!亦因為咁,飛機同九龍城就好有關係了~ 最近我哋都帶咗和牛b去,位於九龍城嘅飛機主題公園玩,公園唔算好大! 但係特別之處,就係飛機為主題。 相信小小飛機迷一定會好鍾意呢 飛機造型嘅遊樂設施,仲有兩條滑梯,攀爬遊戲設施 仲可以扮揸飛機點擊圖片放大 ^ 搖搖飛機呢個遊戲板超得意,模仿喺飛機跳降落傘! 飛機翼斜台樓梯 至於地下嘅地墊,亦有唔同外型嘅飛機圖案。點擊圖片放大 +2 前往方法: 九龍城南角道旁嘅隧道入,穿過隧道上樓梯就到。 穿過隧道時,仲有驚喜呀 !幅牆有幅好靚嘅鯨鯊、海洋世界畫呢! 希望大家都喜歡我介紹嘅地方,也讚好、追蹤我哋嘅Facebook (http://www.facebook.com/80smami/) ,留意最新嘅好去處/好物分享哦~~<<溫馨提示>>1.進行戶外活動,記得要做好防曬及防蚊措施2.疫情關係,記得戴好口罩、勤用消毒搓手液。勿摸眼、口、鼻!3.公園內並無洗手間,如果要去廁所需要去到九龍城廣場或九龍寨城公園內洗手間。地點: 馬頭圍道太子道西--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami點擊圖片放大 +12