唔係廣告，純粹想分享一下作為母乳媽媽，貼身用品嘅選擇同埋考慮因素。乳墊對母乳媽媽嚟講都幾重要，特別係初期好容易就谷奶。如果無貼上乳墊，就會搞到胸圍、面衫都濕透…唔知你哋又有冇試過? 我仲記得頭一胎生完和牛B咩都唔識，無用乳墊瞓到半夜件衫濕晒!! 又羶又臭…如果出街，而件衫又因為漏奶而濕晒，就真係超尷尬呢!!我今次分享同比較一下3款坊間容易買到嘅乳墊品牌，俾大家參考一下。日本製Piegon、德國品牌Nuk以及香港品牌Tenson。 首先，我會從價錢方面去分析。Tenson 高級即棄乳墊大概$45/盒 (40片) 圍返$1.1一片優點: 3D立體設計，緊貼媽媽胸部，舒適自然表層為纖柔無紡有材料，柔軟透氣吸水表層特製網格壓紋，加速導流，快速吸收溢乳 內層吸水性強，防止回滲，保持乳頭及衣物持久乾爽Nuk 超乾爽即棄哺乳墊大概$60/盒 (60片) 圍返$1一片優點: 採用高分子吸水材料製成模擬母親乳房的圓弧外形單片獨立包裝衛生且攜帶方便日本製 Piegon 加厚母乳墊大概$108/包 (136片) 圍返$0.8一片優點: 吸收母乳黏膩感不殘留，常保乾爽舒適5個防滑黏膠，讓服貼度、安全感再升級棉花糖般的柔軟觸感，呵護媽咪的乳房吸濕聚合物能防止母乳溢漏，使用更安心防溢乳墊的立體罩杯，能維持形狀不崩塌總括嚟講，似乎日本製Piegon都稍為優勝。而優點大致都係差唔多咁上下，分別唔太大。其次會同大家分析包裝上，邊一款較為方便同埋有咩唔同。Tenson 高級即棄乳墊獨立包裝，包裝袋中間位置上有一條易撕線。 撕開包裝袋，乳墊兩邊位置會有兩張貼紙需要撕下，先可以貼上胸圍裡。 最後，手上會有三張要掉嘅包裝垃圾。Nuk 超乾爽即棄哺乳墊獨立包裝，包裝袋紙易撕開。 撕開包裝袋，同樣都係乳墊兩邊位置會有兩張貼紙需要撕下，先可以貼上胸圍裡。 最後，手上會有三張要掉嘅包裝垃圾。日本製 Piegon 加厚母乳墊獨立包裝，包裝袋附有一條易撕線。 撕開包裝袋，就可以直接撕出乳墊貼上胸圍裡。 最後，手上只剩低一張要掉嘅包裝垃圾。總括嚟講，似乎又係Piegon優勝。第三樣比拼就係乳墊嘅大小尺寸了，我會以cm嚟量度直徑。 ^ (左) Tenson 11cm, (中) Nuk 12cm, (右) Piegon 12cm乳墊尺寸方面，Nuk同埋Piegon一樣大。而黏力方面，我覺得Tenson, Nuk 比Piegon好。而柔軟度方面，Piegon就最柔軟，Tenson排第二，Nuk比較挺身。我嘅資料同分析唔係專業，只希望同大家分享一下。 而我係一個懶人，在包裝上我都係比較鍾意Piegon，因為有時沖涼都唔係好梳乎。咩快手快腳，所以就連簡單同乳墊都要揀最方便就手嘅款式~今次就同大家分享到呢到~下次再搵啲產品做個大比拼先。除咗文字版，仲拍咗個Video同大家分享一下^^--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami點擊圖片放大 +12 --------------------------------------------------姊妹合作**Precious M accessories**利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
