黃色得意又可愛嘅鴨仔B. Duck，你哋又鍾唔鍾意呢? 我自己就好鍾意，一見到B. Duck就會諗起「陪你一齊沖涼鴨仔」呢一句。 而家荃灣如心酒店L' Hotel仲聯乘B. Duck，酒店入面有一系列同B. Duck有關嘅公仔、美食、房間、兒童遊戲室添呀~鍾意B. Duck又唔打算出國旅行嘅話，呢個真係幾好嘅選擇~~ 酒店大堂已經有唔少B. Duck嘅擺設，仲有超巨型B. Duck吹氣公仔。 點擊圖片放大 ^ 超巨型3米高B. Duck吹氣公仔 當日排隊Check in輪候時間較長，而我哋後尾先發現原來有B. Duck房間專用嘅登記櫃位呀~ 如果訂咗B. Duck房，去到酒店大堂記得詢問一下職員哦~就唔洗排咁耐隊啦~ ^ 位於酒店餐廳外嘅B. Duck擺設 一入到酒店房~嘩!~真係好「B. Duck」，好童趣呀!! 就連玻璃窗位置都貼上可愛嘅B. Duck貼紙~ 我哋住得較高層，風景都唔錯，有海景好舒服呀!! 可愛嘅B. Duck公仔呀~ 房內仲有B. Duck得意造型水杯 房內仲有咖啡機，超正呀!! 啱晒鍾意飲咖啡嘅我呀~ 而浴室仲係有個大玻璃幕，可以望出房間~ ^ 浴室嘅鏡仲有好多B. Duck貼紙，擺設~ ^ B. Duck毛巾 ^ 酒店基本個人衛生用品套裝 ^ 入住B. Duck主題房，仲可獲贈精美B.Duck沐浴禮品套裝 【兒童遊戲室】 喺房休息一陣之後，我哋再到酒店入面嘅兒童遊戲室到放電~ 兒童遊戲室外都有兩處影相位~ 兒童遊戲室入面有個森林主題嘅充氣彈床~ 除咗動態遊戲充氣彈床外，仲有廚房玩具組，適合幼兒玩樂嘅玩具組。 亦有射龍門、籃球架俾小朋友玩~ 點擊圖片放大 仲有男孩最愛嘅車仔~ **遊戲室只供3-8歲兒童使用 開放時間: 星期一至五: 12nn. - 2pm. 及 6pm. - 8pm. 星期六、日及公眾假期: 12nn. - 8pm. - 遊戲室每2小時消毒一次 - 進入遊戲室前必須先消毒雙手 - 進入遊戲室必須穿著襪子 【自助餐】 而酒店住宿入面，每位住客仲可以免費享用每日嘅自助早餐及自助晚餐。 而我哋亦都試埋B. Duck主題美食~全部美食都有B. Duck嘅可愛嘜頭，包類較多，超飽肚呀~ 點擊圖片放大 ^ B. Duck 煙三文魚配吉列薯餅 - $135 ^ B. Duck 炸魚餅拼炸餃子及雜菜 - $180 ^ B. Duck全日早餐 - $120 ^ 和牛B食得超滋味呀~ ^ B. Duck 漢堡薯條 - $135 ^ B. Duck 公司三文治 - $130 ^ B. Duck 帶子配小食拼盤 - $180 ^ 椰香賓治特飲 - $58 自助晚餐食品種類都多，甜品區就特別多B. Duck主題嘅甜品~ 點擊圖片放大 ^ 小朋友至愛「朱古力噴泉」 ^ 頭盤沙律、冷盤 ^ 生蠔、長腳蟹等 ^ 天婦羅 ^ 螺絲粉 【自助早餐】 款式不算超級多，有基本嘅穀物早餐，沙律、熱食等。 點擊圖片放大 +2 食完早餐，休息一陣再去埋酒店免費設施玩~ 換好泳衣，就可以落水玩啦~ 不過家長要留意，泳池水較深，如果小朋友未識游水建議自行帶備浮水袖及水抱哦~ 兩日一夜好快過，整體評價都唔錯。 職員好友善，房間整潔、整齊又舒服。 床唔會過軟，唔會瞓到腰骨痛。 兒童遊樂設施都好夠小朋友放電，仲有泳池同健身設施。 同埋，以主題住宿計劃嚟講，佢哋嘅價錢都好划算同埋合理。 更多詳情：https://bit.ly/2ZzTrb6 【如心酒店L' Hotel @荃灣】 B. Duck主題：由2019年7月15日至9月30日 地址：荃灣楊屋道8號 電話：2280 2898 https://www.lhotelgroup.com/tc/hotel/lhotel-nina/Home -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
