我哋台灣回程航班係當地時間下午6時左右，呢個時間話早唔早，話夜唔夜。 所以最後一站，我哋選擇咗去桃園機場附近嘅華泰名品城 (Gloria Outlets)，Outlet可以直接上返去高鐵桃園站上車往返機場。呢到有齊吃、喝、玩樂同購物。 太太們可以繼續買到上飛機，而小朋友可以去Outlet入面嘅遊樂場放電，而遊樂場仲有成2個咁多!! 咁先生又可以做咩呀? 先生都可以去購物陪小朋友放電嘅~ Outlet亦超大，我哋當日大概11時出發前往，足夠消磨3-4小時。 呢到有好多香港人最愛嘅品牌例如: Nike、Adidas、Mothercare、CK、Le Creuset (LC)、Chicco、Columbia、Crocs、GAP等。 全部商店都係Outlet價錢發售，所以買咗唔少嘢呀! 同時間，大家都會問旅程最後一站，咁帶住行李點樣行Outlet呢? 大家可以放心，Outlet入面亦設有付費嘅儲物櫃，所以我哋行Outlet嘅時候係好輕鬆嘅~ 儲物櫃價錢都合理的，大櫃租借費用台幣60元3小時 (=HKD15/3小時)。 影相呃Like位 穿過「隨意門」，馬上從台灣走到美國一樣!! 粉紅色嘅自由女神像 點擊圖片放大 再嚟到羅馬~~ 好有渡假風嘅兩位青梅竹馬小朋友~ 食肆餐廳 Outlet入面都有唔少餐廳及Food Court，如果你係PAUL FRANK粉絲，都可以嚟打個卡哦~ 位於第一期二樓Food Court內，有一間PAUL FRANK主題餐廳，不過唔算非常非常特別。 因為係快餐，主題唔太突出。 不過，Burger及薯條係好食嘅。 ^ PAUL FRANK Food Court嘅選擇亦好多，中、日、台、韓、美式食物都有。 而Food Court內之女洗手間亦設有換片台，另外仲有獨立餵奶房。 商場購物樂 Funbox Toys玩具店，入面大部分產品都係低至2折起。 如果你係森林家族粉絲，你一定要去! 因為佢入面有好多款式以優惠價出售，有啲瑕疵品仲係劈價發售 (我個人唔介意外盒損毀或零件散亂，所以我有買，因為太平了) 亦有Pororo冰震小企鵝玩具、Tomica、Tayo the Little Bus仲有Super Wings等，都有優惠。 睇完玩具，行過隔離舖就係港人喜愛嘅嬰幼兒服飾店「mothercare」。 點擊圖片放大 +2 Funbox bricks，係專門出售Lego、Playmobile嘅店。 入面仲有一個試玩區俾小朋友玩。 亦有大人嘅玩具店，MARVEL嘅模型公仔及精品店。 兒童遊樂設施 吃喝同購物都已經介紹完了，餘下部分想分享免費嘅兒童遊樂設施。位於Food Court對出嘅露天兒童遊樂場區。 此區有滑梯、攀爬等遊戲。 點擊圖片放大 +2 ^ 攀石牆 ^ 攀石牆 ^ 攀爬遊戲，不過設施有待維修 ^ 手、腳協調與平衡嘅遊戲。 另外，Outlet地下亦有另一個露天兒童遊樂區，攀爬、力量鍛鍊嘅遊戲組比較多，不太適合幼兒。 ^ 高高嘅繩網陣 ^ 攀爬網 ^ 訓練手、腳協調及平衡遊戲 ^ 攀石牆 ^ 繩網陣 是次五日四夜之台灣之旅嘅小豆釘們~ 此遊戲區開放時間: 星期日至四: 10am. - 9pm. 星期五、六及例假日前夕: 10am. - 10pm. 【華泰名品城@台灣】 地址：桃園市中壢區春德路 189 號（高鐵桃園站 6 號出口正對面、桃園國際機場捷運 A18 站 2 號正出口） https://www.gloriaoutlets.com/ -------------------------------------------------- 歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami點擊圖片放大 +12 -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
