來到了三月,仲係涼涼地。 即興來到了屯門龍鼓灘BBQ,呢個地點比較偏遠。 不過,坐喺海邊BBQ,感受住海風,聽住海浪聲,又真係幾舒服。 點擊圖片放大 我哋後悔太即興,無帶備拖鞋。 而屯門龍鼓灘,亦係香港唯一一個天然黑沙灣。 帶住小朋友去BBQ,最重要就係要揀一個有足夠地方俾佢哋放電同埋走動。 有露天、有蓋、亦有Party房。 ^ 有蓋BBQ位置 ^ 戶外露天BBQ位置 ^ 戶外海邊BBQ位置 ^ Party房BBQ位置 放假嘅時候,望住海聽住海浪聲,真係好放鬆好舒服呀! 望住海,一邊享用美食,睇住日落,真係好浪漫! 小朋友好快就會食飽,就想四圍去玩。 呢到地方足夠,亦布沙灘、空地、遊樂設施。 城堡兒童遊樂設施,係免費嘅放電推介!! ^ 整座城堡有4組滑梯 ^ 透明水管滑梯 點擊圖片放大 ^ 彩色U型吊橋 ^ 免費扭汽球 ^ 出租兒童單車、家庭式單車(小童單車租金$30/小時,按金$100) 除咗有單車可以出租之外,仲有小玩意出售。 充氣彈床,$30/45分鐘。 點擊圖片放大 走動空間,可以玩吹泡泡。 點擊圖片放大 ^ 籃球遊戲 ^ 康樂遊戲 ^ 足球機、氣墊球,不過有點殘舊及不齊全。 ^ 影相靚位~ 食物方面: 唔做大嘥鬼,所以我哋每一次都拎足夠嘅食物。 食物係自助形式,快熟之選必食、香腸、丸類、紅腸。 另有多款口味嘅雞翼、有牛抄、豬扒、咖哩魷魚、全翼、龍脷魚柳、叉燒等。 另有方包、茄子、翠玉瓜、蕃薯。總括嚟講,食物款式唔算超多。 除咗以上食物,另有以下小食部食物、工具出售。 蜜糖真係超讚,因為無溝到好稀。燒到變糖漿~好好味~ 第一次燒龍脷魚柳,又幾好味喎!! 由朝燒到黑,夜晚仲有氣氛。 價錢方面: 星期二至五: 小童*$100/位; 成人$130/位 星期六至日: 小童*$110/位; 成人$140/位 *小童身高超過100cm,需收費 - 海邊位置加$20/位 - 開爐費$45 (包兩包炭); 買炭$25/包 點擊圖片放大 浪漫的父女二人,留下我一個。 *溫韾提示* 進行戶外活動,記得做好防曬、防蚊措施呀。 營業時間: 星期一休息(公眾假期除外) 星期二至五:2pm. - 11pm. 星期六:12nn. - 1am. 星期日:12nn. - 11pm. 公眾假期及特別日子及前夕:另行通知*食物供應: 完場前1小時停止 前往方法:- 於屯門西鐵站/ 屯門市廣場/ 屯門碼頭 乘搭 K52 港鐵接駁巴士,於龍鼓灘(總站落車) 再步行 - 駕車的話,BBQ場有免費停車場 【龍鼓灘海邊燒烤樂園 / 海邊茶座 @ 屯門】 屯門龍鼓灘村 136 地段 (天后古廟隔鄰/K52龍鼓灘巴士總站對面) 電話:2613 8129 / 5601 1002 http://www.yl.hk/hb-bbq/ -------------------------------------------------- 歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami點擊圖片放大 +12 -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。