之前一直都想帶和牛B去港鐵展廊,因為呢到可以帶住和牛B參觀昔日嘅「地鐵」歷史,以前嘅車廂,以前無八達通又係點樣搭車嘅呢? 想入場參觀方法好簡單,只要於網上預約就可以了。 手續仲超簡單,數分鐘就可完成。 而每次仲可預訂6人入場票,一次過可以睇晒4個月內嘅預訂情況。 而一般都在星期六、日及公眾假期,仲分成6個時段。 入場時段: 1. 10:15am. - 11:15am. 2. 11:30am. - 12:30nn. 3. 12:45nn. - 1:45pm. 4. 2:00pm. - 3:00pm. 5. 3:15pm. - 4:15pm. 6. 4:30pm. - 5:30pm. 預約: https://www.mtr.com.hk/ch/customer/exhibition/index.php 當日場次人數好少,只要用手機出示二維碼 (QR Code)俾港鐵展廊職員掃瞄一下,就可以開始導賞了。 展廊外邊嘅呢幅牆,係用超過8千張列車車票組成,快啲望下有冇邊張自己曾經用過? 會場唔大,所以唔好抱超大期望。 呢到有一系列港鐵歷代嘅列車模型,你又見過幾多款呢?? 點擊圖片放大 新界西獨有嘅輕鐵 (輕便鐵路),有哋又見過舊嗰款未?? 港鐵小遊戲,一齊搵下地鐵站。 必影影相位~ 仲可以搵職員幫手影返張與列車合照嘅相~可以東涌線、機場快線、荃灣線等。 1:1港鐵車廂模型 企埋去,顯得超緲小呀~ 上車啦上車啦~~ 令人超懷念嘅橙黃色車廂,仲有好簡潔嘅路線圖。 以前就只有綠色同紅色線~ 黑色波波扶手,你又用過未? 帶住和牛b穿越歷史~ 再返返嚟2019嘅港鐵車廂。 仲可以用VR睇未來嘅列車~ 車廂入面,仲模擬車長遊戲 「MTR GOAL」。 離開車廂,仲有關於高鐵嘅介紹。 以前港鐵職員嘅制服。 出口方向,仲有列車模型、列車嘅畫像。 點擊圖片放大 門外仲有列車嘅零件展示。 活動地點: 九龍站機場快綫1號月台 (往機場及博覽館站方向) 查詢: 2881 8888 -------------------------------------------------- 歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami點擊圖片放大 +12 -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。