如果熟悉和牛一家，都知道和牛爸、媽都好熱愛打邊爐、BBQ。 而家已經係初秋，所以又可以開始去戶外BBQ啦~~ 今次介紹其中一個，我哋好鍾意去嘅BBQ場俾大家，就係「大欖涌燒烤樂園」。 點解我哋會鍾意去?? 因為呢到除咗有傳統BBQ之外，仲有得食「重慶燒烤」囉~~ 重慶燒烤嘅好處係，可以自己調味，仲可以食多啲蔬菜類。 同埋燒烤場都有空地俾小朋友放電，同埋有一個兒童遊樂設施。 燒烤場分咗傳統燒烤區、重慶燒烤區以及Party房區。 重慶燒烤區有四人台，當日人流唔算太多，所以我哋揀咗長台坐，咁就可以俾和牛B遠離個熱辣辣嘅爐。 重慶燒烤用嘅調味料、餐具、夾同埋拎食物嘅碟同埋食用嘅餐碟。 - 調味料豉油、麻醬同埋蜜糖仲有孜然粉同埋鹽 小朋友最開心就係可以自己去拎食物 BBQ第一轉，我一定係食快熟嘅腸仔先~ 仲有一個專人服侍我同和牛B~~(辛苦你了，牛爸) 羊架~~~超好味呀!! 而現階段嘅和牛B，我哋仲未俾香腸佢食。 所以佢只係食肉類、魚蛋、麵包同埋粟米。 呢到仲有極邪惡嘅煙肉包芝士腸串~~ 【自助食物區】 總共有三個雪櫃擺放重慶燒嘅食物，有一個主要係擺放蔬菜類呢。 有豆卜、翠玉瓜、茄子、粟米、青椒、菇類等。 仲有大量肉類、丸類食物。 原條秋刀魚、羊架、雞翼、雞軟骨、豬扒、牛扒等。 點擊圖片放大 除咗大量肉類，仲有蒜蓉包、方包可以燒。 和牛B就話，都係鍾意就咁食，唔需要烤啦~ 小朋友食飽當然要四處走啦，場內仲有夾公仔機，$5/局 仲俾我發現咗有隻豬仔添呀~~但係夾唔到呀.... 外出必備泡泡棒，呢到有足夠地方走動，仲有一個空地可以玩足球。 點擊圖片放大 仲有鞦韆櫈 仲有兒童遊樂設施 傳統燒烤區，爐與爐之間都有足夠空間，唔算太迫。 溫韾提示: 由於都係戶外活動，雖然台底都放有蚊香，但都係建議家長幫小朋友做好防蚊措施。 始終都係BBQ，帶定把風扇仔就唔借焗親小朋友啦~ 如果日頭嘅話，記得搽好防曬。 燒烤場收費: 重慶燒 (限3小時) : - 成人 $180/位 小童 $160/位 +開爐費$60 傳統燒烤: - 成人 $170/位 小童 $140/位 +開爐費$60 另有Party房，可租訂。 前往方法: - 駕車: 小欖交匯處右轉，大欖涌河近海關訓練學校 泊車: 燒烤場有免費停車場，大概可擺放30-40架私家車 於屯門公路轉車站落車，再步行。 或乘搭港鐵巴士K51於「大欖涌巴士站」落車，步行數分鐘。 *相片來源自官網 於大欖涌巴士站 (海員訓練學校) 下車，步行數分鐘就到達。 乘車資料來源自官網: http://www.tlcbbq.yl.hk/map.htm 紅色公共小巴: - 佐敦地鐵站A出口 (裕華國貨後面) 往元朗 - 落車叫「大欖涌燒烤樂園」 旺角朗豪坊 往元朗 - 落車叫「大欖涌燒烤樂園」 青山道 往元朗 - 落車叫「大欖涌燒烤樂園」 荃灣福來邨 往元朗 - 落車叫「大欖涌燒烤樂園」 專線小巴: - 43B 大欖涌<->屯門新墟街市 - 落車叫「大欖涌站」 巴士: - *直達大欖涌路口巴士站 962B/ 52X/ 53/ 61M/ K51 *屯門公路轉車站落車 960/ 961/ 962X/ 263/ 258D/ 259D/ 60M/ 60X/ 61X/ 58M/ 59M/ 59X/ 66M/ 67M/ 67X/ 260X/ 68A/ 【大欖涌燒烤樂園@屯門】 地址：屯門大欖涌村385地段 電話：26131811 營業時: - 傳統燒烤: 星期一至五: 1pm - 11pm 星期六、日及假日: 11am - 11pm 重慶燒烤: 星期一至五: 5pm - 11pm 星期六、日及假日: 2pm - 11pm http://www.tlcbbq.yl.hk/ -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
