身為Peppa Pig迷,我今次真係收風收得遲咗!! 限定店最後兩日我先至同和牛B去,不過當日係5月1日,仲有Peppa Pig見面會!! 和牛B超級開心,因為早幾日先睇完Peppa Pig Live,再可以同佢手拖手合照。 限定店。超級吸引 款式、種類真係超級齊全,好多我都未曾喺香港見過,重點係大部份都有折扣優惠呀。 有食品、玩具、床上用品、圖書、教材、服飾等,真係要乜有乜呀!! 玩具、玩具,仲有玩具,玩具都有唔同嘅種類,有樂器相關、運動相關都有。 而我哋都係比較鍾意有Peppa Pig figure公仔呢種玩具,有啲款我喺未曾見過又或者係好罕有添呀。 點擊圖片放大 +3 我覺得好罕有嘅款式,Deluxe嘅露營車,同埋可以著雨褸嘅Peppa。 康樂棋套裝仲做梗優惠。 除咗玩具,仲有手袋、筆袋、水樽類等。 床上用品仲做梗8折優惠,仲有Peppa嘅咕臣都同樣有折。 康樂棋、神奇畫板、仲有煮飯仔玩具。 Peppa Pig嘅地墊、沖涼玩具。 圖書、Flash Card、填色書冊、教材等等。 男仔女仔都啱嘅服飾系列,全部都有折。 仲有仲有,維他Peppa Pig奶都一樣做梗優惠。 最後今日咋,事不宜遲,快啲去啦!! Peppa Pig見面會只限5月1日,我哋都係4月30日,睇到Peppa Pig Facebook專頁先知道5月1日有Peppa Pig見面會呢。 見面會時段 : 14:00 - 14:20 14:40 -15:00 15:20 - 15:40 16:00 - 16:20 16:40 - 17:00 YATA x Peppa Pig開心遊戲日限定店 推廣日期:4月19日至5月2日(三) 地點:新界荃灣荃灣廣場4樓一田百貨 -------------------------------------------------- 歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。