其實曾經都有介紹過呢個地方俾大家，不過今次我終於有機會帶和牛B去玩。點解我會稱佢為鬧市中的空中花園，係因為佢位於尖沙咀旺區，建於港鐵站上蓋大約2-3層樓咁高，遠離咗地面繁忙嘅道路，空氣都好啲呀。假日嚟玩都唔算好多人，所以都仲可以玩到。 相信大家都好想知係喺尖沙咀邊個位置，佢係位於尖沙咀中間道的「中間道兒童遊樂場」，喺尖東港鐵站K出口旁，K出口出然後往左行約1-2分鐘便會到達遊樂場入口。 如果推住BB車嘅話可以直接從港鐵站搭升降機直上又或者地面都可以搭。 成個公園除左兒童遊樂設施之外，活動空間都好多，所以絕對係放電之選。 兒童遊樂設施都分成兩部分，一邊係適合5歲以上，一邊適合幼兒玩嘅。 適合5歲以上嘅遊戲區超大，玩樂嘅設施亦相對多，好多都可鍛鍊體力小肌肉嘅。 點擊圖片放大 +5 呢到高度嘅望遠鏡啱晒細細粒嘅和牛B呀~ 超級搖嘅吊橋，敢唔敢行先? 從地下有一條梯可以排上最高嘅一層玩滑梯。 呢到滑梯都有好多條，大概5條左右。 點擊圖片放大 到處都有嘢玩，行到邊玩到邊。 鍛鍊手、腳肌肉嘅攀石牆。 彈弓台，彈下彈下~~ 仲有鞦韆可以玩 幼兒區嘅活動空間都好多，滑梯組都有3條。 比較特別嘅小樓梯 鐵網隧道 點擊圖片放大 +6 鍛鍊手、腳肌肉嘅拱形樓梯。和牛B仍然需要協助，先可以完成呢條樓梯。 靜態嘅幼兒玩樂板 可以學睇時鐘 仲有搖馬 另外，最重要的設施就係育嬰設備。公園入面嘅女洗手間獨立設有育嬰室，入面設有2張換片台。 --------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami點擊圖片放大 +11 -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
