踏入BB 6個月大, 開始懂得坐嘅時候, 就係開始加固嘅第一步。 咩係加固呢? 其實之前都有出過一篇BLOG講解過嘅~ 而悠悠B嘅加固生活習慣亦已經開左大約兩星期了, 佢其實都仲未係好習慣。 我都未係好慣, 因為我都要學習點樣煲適合BB食嘅粥仔。我個人有D硬頸, 我覺得現成奶米糊都係唔夠自己煲咁正~覺得現成ge仲係有添加劑(糖、鹽)、防腐劑。但係…悠悠B係半人奶、奶粉B, 其實我到底堅持D乜? HAHAHA 咁呢, 跟各界媽媽學習左點樣煲。經過2個星期嘅試驗, 我搵出自己嘅方法 1/4 o麥米 5碗水 大火煲至水滾, 水滾後轉中火煲大約15分鐘, 如果已開花, 就轉細火等佢慢慢收水。 至於稀、杰度要視乎BB口味, 悠悠B比較鍾意食杰少少嘅粥粥~如果見粥仔唔夠綿, 可以用匙壓爛再餵BB食。 悠悠B第一次接觸固體食物嘅時候, 佢呆了~仲要個樣好似中左毒咁~真係笑死我~ 之後慢慢已經習慣, 但係最多只能餵10分鐘左右, 因為佢會唔耐煩~通常見佢唔耐煩, 我唔會迫佢。因為培養愉快嘅進食環境對一個BB黎講都好重要~ 另外, 都想分享下$12蚊店嘅BB匙~ 呢隻匙都唔錯~軟膠, 唔怕傷到牙肉, 仲有3隻色~粉紅、藍、黃~ 湊B日記 - 為固體食物作準備（1） 湊B日記 – 為固體食物作準備 (2) 用具篇 我的Facebook專頁: 80's Mami
