上回講到在 FARFETCH 訂左個 Moschino 背囊同個wallet on chain, 話9月11號送到，DHL果然準時, 開箱啦～ DHL 送左2個箱來，等我續個拆先。先由細果盒先啦～ 先打開印有 FARFETCH既啡色紙箱有張感謝卡，同埋收據，再有一盒用雪梨紙包住既盒，拆開入面就個盒MOSCHINO白色紙盒，有少少污蔑，再拆開個盒，就有個MOSCHINO白布袋入住個銀包，銀包顏色都樣跟睇圖完全一致，我覺得好靚呀～ D鍋釘真係熊仔頭來架~ 好可愛~ 打開銀包睇睇，條鏈用雪梨紙包住, 暗格入面有張卡有獨立NO. 證明這銀包係正貨. 但有個位銀花左少少，但可以接受既. 銀包既間格好實用，有8格卡位，有拉鏈格放散紙，另一大格可以放智能電話，有條鏈咩住就當手袋出街，這就是wallet on chain, 好方便呀～ 來到開大箱啦～都係見到有感謝卡同埋收據，仲送多個意大利心型貼紙，然後有個白色Moschino紙箱, 打開紙箱有個白色布袋入住個背囊，背囊暗格入面都係有張卡有獨立NO. 證明這係正貨, 顏色同樣跟圖都係完全一致，好靚，大愛呀~ 總結: FARFERCH 呢個網/APP 係一個平台比D品牌, 商店去賣貨品, 全部包裝盒都係要用返FARFERCH 的, 但寄貨就直接由賣比你果間商店直接寄出, 而收到貨後如有問題, 亦可以免費寄返去換貨/退貨. 我覺得都可信, 今次購物體驗都好開心, 滿意, 而FARFERCH 耐唔耐就會有PROMO 出, 又7折, 又85折咁, 但當然唔會係最新款啦~ 我建議大家可以放定去最愛, 如有減價, 優惠碼就可以即時買了, FARFERCH 亦會定時定後SEND EMAIL 比你, 提你有咩新貨同優惠的. 真係實在太引誘了.
