某日睇睇吓Facebook見到有個網站既廣告，係一個賣品牌野既平台有7折優惠碼，即是買所有產品都有7折，仲要有d貨做緊特價既都有7折， 呢個網站叫FARFETCH. 我睇中了Moschino既一個粉紅色有熊仔既背囊，係2019年春季既馬戲團款。專門店原價賣USD962，Moschino 做緊半價即係USD481, 但係賣晒了。 向呢個網站睇到做緊特價HKD4003，包DHL送到門口, 7折左即係HKD2802 only, 抵到爆呀～ 諗住試吓放入車再入個優惠碼去確認係咪堅有折上折啦，點知過極都過唔到果個板面，唯有send email去問問，點知佢話HKD4004那間賣完，有第2間SHOP賣HKD4804, 貴左HKD800, 7折左HKD3362.8. 都抵既~ 係我考慮緊試唔試呢個網購既時候，又比我發現到有個桃紅色有熊仔頭鍋釘既銀包，有鏈可以斜咩, 都係Moschino的，專門店原價USD754得黑色仲要冇特價，呢度做緊HKD3584, 再7折即係HKD2508.8, 雖然覺得冇背囊咁抵買，但係呢個款同色真係好特別，仲要得返最後一個咋，最後睇過網站話收貨後有問題可以免費退貨，所以就忍唔住試吓啦，好緊張呀～ 最後於星期六7 Sep 凌晨落單，話10~11 Sep會送到我手。 我見到我個件係由意大利送貨來的， 用DHL送， 太期待了。
