介紹一間價錢平但係又好高質嘅鐵板燒俾大家🤤 位於銅鑼灣邊寧頓街嘅《本命》餐廳裝潢時尚感結合木系日式風格，坐位舒適寬敞，全部座位均面向鐵板可以欣賞廚師手藝。 我哋嚟到當日係平日夜晚8點左右，但係餐廳都座無虛席，更有食客於門外等位，生意相當唔錯。如果上嚟試吓嘅話記得book位喇😆呢度有兩種套餐選擇，分別係「本」$588/位 &「命」$788/位，今次我哋試嘅就係$588「本」套餐。 ============ヽ(○´∀`)ﾉ♪✾Dinner Tanpanyaki Course For One person「Hon」$588 ❀前菜-日式沙律、汁煮大根海螺✰螺肉汁煮後雪凍食，入味有嚼勁。✰沙律上面有蘆薈粒，小清新酸酸哋幾開胃。 ❀北海道帆立貝✰好大隻同埋鮮甜嘅帆立貝，表面燒熟咗入面仲係半生，呢個狀態嘅口感係最好👍🏻✰調味用咗冬瓜蜆湯，就咁食唔需要加調味料已經夠味。 ❀甘鯛✰廚師功架相當厲害，魚皮同魚鱗燒到脆卜卜，賣相好靚好有層次感，魚肉厚實嫩滑🤤✰配搭甘筍魚湯汁好creamy好match。 ❀大蝦✰好大隻又彈牙🤤 用蝦膏加牛油清酒煮成汁再淋上面，好濃郁好惹味。 ❀美國安格斯牛薄燒✰安格斯牛味好香，卷住蔥花同蒜片一齊燒，juicy好味。 ❀黑豚薄餅✰薄切黑豚肉卷住洋蔥同生薑絲嚟燒，再包入薄餅入面，脆卜卜口感唔錯。 ❀美國SRF極黑和牛✰厚切嘅SRF和牛充滿肉汁，燒到五成熟啱啱好，佢唔算好多油花，但口感軟嫩牛味濃郁🤤✰蘸點海鹽夾埋炸蒜片食一流，或者蘸點蘿蔔蓉柚子酸汁都幾好味😋 ❀炒飯✰選用日本產米，加咗日本榨菜，炒到粒粒分明夠乾身，盡顯廚師功架👍🏻✰店員教我哋配埋蒜頭漬同埋青瓜漬一齊食更好味。 ❀吸物-魚湯✰用𩶘魚魚骨熬製，奶白色嘅魚湯好鮮甜。 ❀炒雜菜✰炒芽菜、椰菜絲、韭菜花。 ❀甜品-焦糖多士拼開心果雪糕✰用砂糖鋪上方包煎成嘅焦糖多士，非常香脆好食，配埋開心果雪糕一齊食，完滿💯🫶🏻============ヽ(○´∀`)ﾉ♪Follow Me on Instagram : @lovelykawaii_missmeowhttps://instagram.com/lovelykawaii_missmeow本命 Teppanyaki Honmei📍地址：銅鑼灣邊寧頓街13號2樓https://instagram.com/honmei.teppanyaki?igshid=MzRlODBiNWFlZA==#蕃薯妹周圍食 #本命 #本命鐵板燒 #鐵板燒 #鉄板焼 #teppanyaki #hongkong #japanrestaurant #japanfood #JapaneseCuisine #日本美食 #香港美食 #銅鑼灣 #銅鑼灣美食 #日本菜 #日本料理 #日本 #燒肉 #美食 #食好西 #和牛 #foodies #foodiesblogger #foodieshk #foodblogger #hkfoodieblogger #openrice #ufoodphoto #hongkonggirl #ufoodvideo
