自駕遊資料詳情 http://www.lovelovelings.com/#!blank-1/b1zor 日本 ~ 永遠有再去既理由 ~ 今次廣島遊，有大久野島既兔仔、宮島既世界文化遺產嚴島神社同鹿仔、又有廣島蠔、Outlet，如果有時間的話，可以去埋浸溫泉，睇藍眼淚，LIKE！ 30,000里 + TAX HK$170 X 2 兌換機票如下 02MAR KA 香港HKG 1815 - 東京HND 2255 03MAR JL 東京HND 1310 - 廣島HIJ 1435 06MAR KA 廣島HIJ 1545 - 香港HKG 1910 點解要先去東京，再飛去廣島? 因為一星期只有星期日及四有直航機去廣島，自然會好FULL啦，不過幸好以上轉機都係只需30,000里啫 每次去東京，粒粒玲子都盡量選擇羽田機場，點解？因為到市區車費較平，旅客較少。但主要原因係羽田機場既內陸線好多野睇，又多本土手信買，係咪睇見都覺得好食呢，呢間便當店好多日本人幫襯架 今次旅程可以無須自駕，但為了方便行李運載，車程時間更易掌握，最終決定自駕，當然係搵番TOYOTA啦 廣島租車：(右軚) bB- 自動波 03MAR 取車地點 : 廣島空港店 06MAR 還車地點 : 廣島空港店 保險 : 已包基本車保 5天連導航器總共23,247円 http://rent.toyota.co.jp 去到廣島機場，攞埋車已經下午3點，所以澎澎聲即刻去大久野島 / 兔仔島啦。 兔仔島~忠海站Tadano-Umi 1 Chome-2-1 Tadanoumi Nakamachi, Takehara, Hiroshima Prefecture 729-2316, Japan +81 846-26-0853 去忠海可以選搭火車，如自駕遊就泊車响碼頭旁泊車處，但切記不耍亂泊造成阻礙 記住要留意船期表同回程碼頭啊 去得大久野島當然要帶手信俾兔仔啦，有D人會帶菜，為了方便忠海港有糧賣，呢間士多小店有兔糧賣在售船票處旁 售船票處亦有兔糧賣，價錢一樣視乎你自己喜歡，入到島內無兔糧賣架，記住入島前買定啊~ 去大久野島要注意係有分1,2號橋上落船，如好似粒粒玲子咁搭尾班船既就要去1號橋，而1,2號橋距離10分鐘路程 落船之後，要去休暇村方向進發，因為最多兔仔就响果度 不過咁多兔仔當中都會有D有受傷或病，但大部分都係健康既 响呢度踩單車亦是賞心樂事既節目，不過要小心"兔出沒注意" 能夠引到幾多兔仔就要睇你有幾多手信喇，哈哈，再加上當天係平日&黃昏，人不多，咁自然可以集中到更多兔仔啦 粒粒好鐘意呢張相，因為好有Discovery Channel feel，幫玲子用大機影緊相之際，突然有兔仔騷擾，於是取出手機整番張Selfie先 專誠响羽田機場買去野餐睇日落，好味道 不過小心兔仔偷食喔 粒粒玲子選擇睇埋日落搭尾班船離開 走時發現紙袋都被兔仔咬爛 大久野島有唯一一間酒店，除酒店外無其他人在此居住，於晚上可以在無光害之下欣賞星星及兔兔，浸下溫泉，食下美食，係咪睇到都想住呢 ~ 由於行程太趕所以粒粒玲子不能在此逗留 >0< 想訂此休暇村大久野島可瀏覽以下網址 http://www.qkamura.or.jp/tw/ohkuno/ 【以上文章轉載自http://lovelovelings.blogspot.hk/2016/03/rabbit1.html】 粒粒玲子 簡介： 曾遊歷29個國家，160個城市，以1,130,000里數，兌換34套機票；盼望透過不同媒體與大家分享更有效賺取最多飛行里數的方法、靈活兌換豐富航點的機票及分享各地旅遊資訊。 一起從日常生活消費中，實現環遊世界的夢想啊^^ 粒粒玲子facebook：https://www.facebook.com/lovelovelingstravelmiles 粒粒玲子Blogger：http://lovelovelings.blogspot.hk 粒粒玲子官方網頁：http://www.lovelovelings.com 合作聯絡:lovelovelings@yahoo.com
