自駕遊資料詳情 http://www.lovelovelings.com/#!lhrmrsman/ca8w 每次兌換歐洲機票都會順道到英國Shopping，今次難得可於6月尾歐遊，天氣非常合適慢遊蘇格蘭，所以臨時加插有關行程，不過時間不夠，到既地方不多，車程也較長 ~ 原先計劃係由馬賽搭2小時機到倫敦轉機，再由倫敦搭1小時機到曼徹斯特，落機後先到機場酒店休息一晚，瞓醒後再取車出發到蘇格蘭 最後因為法國擺工，導致馬賽班機delay，到倫敦時已趕不及轉機，雖然英航願意賠償當晚酒店及有膳食津貼，但太多人滯留倫敦，酒店已沒房間，唯有於倫敦機場過夜，等待乘搭第二朝早機到曼徹斯特取車出發 曼徹斯特機場取車需要坐免費巴士到特定停車場，出Arrival Hall後找有關路牌就能找到車站，於Sixt網站同樣預訂了棍波Fiat 500， 於Manchester Airport取車，還車地點為London Heathrow Airport，5天連導航器總共 £ 249.94(已包基本車保) 計劃行程時發現可途經 New Balance Factory Shops，其實都唔算途經，係特登兜去的 ，由Manchester Airport到Flimby Shop車程約2.5hr ~ New Balance Flimby Shop St. Helens Lane, Flimby Mayport, Cumbria CA15 8RY 不過呢2個半鐘車程一啲都無失望，呢度有好多Made in the UK既鞋！朝聖戰績如下：4對576 UK、1對576 UK，盛惠3千蚊港幣；呢間outlet既貨品，其實係由世界各地寄返黎維修既次貨，維修好再放响度賣，要睇吓好唔好彩啱款啱碼執筍野 佢地重有其他Factory Shops，不過Flimby Shop比較出名 講明英國Shopping團，第二站就駕車到距離2.5hrs車程既Livingston Designer Outlet Almondvale Ave, Livingston, West Lothian EH54 6QX www.livingston-designer-outlet.co.uk/ 呢間Outlet有好多出名既牌子，比起倫敦及曼徹斯特人流更少，相對貨源更多 ~ LIKE！ 由於太倦，好早就返酒店瞓，第二朝立即出發到美麗既Isle of Skye，雖然車程甚遠，要4至5個鐘，但路上看到一群群綿羊、可愛既高地犛牛，還有綠草如茵既高地，清澈湖泊反映著蔚藍天空，此迷人美景，讓旅程變為快樂既時光，感覺很快就到達目的地 全身毛茸茸超可愛既蘇格蘭高地犛牛(Hamish) 到B&B check in後步行3分鐘到附近酒店Tingle Creek Hotel享受晚餐 http://www.plockton.com/eating_out/tingle_creek_hotel.shtml 頭盤 Grilled Scallop 主菜 Breast of Chicken,filled with wild mushrooms and wrapped in Ayrshire smoked bacon, then cooked in a creamed tomato & basil sauce Highland Venison Cobbler, braised wild venison from the Scottish Highlands, slowly cooked with root vegetables and juniper berries, bound in a rich redcurrant and red wine gravy topped with mature cheddar herb scones. Baileys Chocolate Truffle Gateau, a soft chocolate sponge base, with a Baileys and cream truffle topping with chocolate curls and fresh cream. A chocolate lovers heaven! 晚飯後遊車河到附近走走，呢度簡介不同地點可以觀摩到唔同既野生動物 第一張所影既石堆照片，位於公路A87路段，石堆有不同既意義，有啲人認為能祝福祈願，有啲人就用來紀念已過世既親人，有興趣可參考以下地圖去看看啊~ 點擊圖片放大 +2 【以上文章轉載自http://lovelovelings.blogspot.hk/2014/09/scotland.html】 粒粒玲子 簡介： 曾遊歷29個國家，160個城市，以1,130,000里數，兌換34套機票；盼望透過不同媒體與大家分享更有效賺取最多飛行里數的方法、靈活兌換豐富航點的機票及分享各地旅遊資訊。 一起從日常生活消費中，實現環遊世界的夢想啊^^ 粒粒玲子facebook：https://www.facebook.com/lovelovelingstravelmiles 粒粒玲子Blogger：http://lovelovelings.blogspot.hk 粒粒玲子官方網頁：http://www.lovelovelings.com 合作聯絡:lovelovelings@yahoo.com
