自駕遊資料詳情 http://www.lovelovelings.com/#!lhrmrsman/ca8w 五漁村 Cinque Terre，位於意大利拉斯佩齊亞省 Liguria海沿岸地區，是 Monterosso al Mare、Vernazza、Corniglia、Manarola及Riomaggiore等五個村鎮的統稱。五漁村於1997年被聯合國教科文組織列入世界文化遺產名錄，1999年被闢為國家公園 Parco Nazionale delle Cinque Terre。 之前由尼斯揸2hr30mins車程於意大利Genova食完lunch後，再揸1hr30mins就到咗五漁村既Riomaggiore，約好民宿主人於村口，泊好車就check in了 五漁村大部份都係小村落，車子於特定時間外才可以出入，不過由泊車位置行到最入既海邊距離只有400米路程 粒粒玲子就係住呢間粉紅色房子喇，玲子於半年前預訂，五漁村內既住宿都好快Full Booking呢 ~ 粒粒玲子希望可以提供更多資訊比大家參考 以❦代表Love鑽石對酒店滿意情度 最滿意為7粒Love鑽石❦❦❦❦❦❦❦ Case Vacanze Scorci Di Mare Via San Giacomo 82, Riomaggiore, 19017, Italia 雙人房 + wifi = €120 泊車要另付€15 地點位置❦❦❦❦ ❦❦❦ 酒店外型❦❦❦ 房間設計 ❦❦❦❦ 房間設施 ❦❦❦❦ 睡床舒適度 ❦❦❦❦ wifi流暢度 ❦❦❦ 清潔 ❦❦❦❦ ❦ 服務 ❦❦❦❦ ❦ 房間窗外對出就係海邊，實屬7粒L鑽❦既地點 Riomaggiore迷人之處就在於人與自然能和諧共處，既有充滿意大利風情街巷，又保留著漁村純樸既一面…這就是Riomaggiore的魅力所在。 點擊圖片放大 +2 Riomaggiore市內有一間不顯眼既Post Office，Post Office位於後街有點難找，想寄信的話問問當地人位置吧 原本民宿主人推介下面間餐廳，無論食物質數、價錢、景觀也不錯的 ~ 但因遊覽得太夜餐廳已關門，無緣品嚐 Ripa del Sole餐廳附近景觀 最後選擇咗民宿對面既海旁餐廳，呢間餐廳好易搵，只要你行出到Riomaggiore海邊就見到唯一一間既食店 喜歡這間充滿意式風情既海景餐廳，品嘗了一個難忘又浪漫既夜晚。 ~意式浪漫晚餐MEUN ~ 點了當地盛產既鯷魚anchovy配上意大利麵條煮得有點腍，但混著鯷魚及蕃茄等香料，鯷魚與蕃茄味道也能突出，雖然有點偏鹹，總括來說這意粉也不錯。(約HK$100) 另再加上海鮮拼盤，可以一次過品嚐當地盛產既鮮甜海蝦、煙韌魷魚圈及其他時令海鮮，價錢只需約HK$300，超值既感官享受 ~ 第二朝再到海旁山崖上閒逛，搵倒間seaview cafe 粒粒玲子一邊係度享受早餐，一邊係度發夢，夢想可於海旁開一間cafe，希望每位走進Cafe既客人，都可感受到優閒放鬆既氣氛 點擊圖片放大 要同Riomaggiore say Goodbye喇，下一篇繼續為大家介紹如明信片一般美既漁村 ~ Manarola 【以上文章轉載自http://lovelovelings.blogspot.hk/2014/07/cinque-terre-Riomaggiore.html】 粒粒玲子 簡介： 曾遊歷29個國家，152個城市，以1,070,000里數，兌換32張機票；盼望透過不同媒體與大家分享更有效賺取最多飛行里數的方法、靈活兌換豐富航點的機票及分享各地旅遊資訊。 一起從日常生活消費中，實現環遊世界的夢想啊^^ 粒粒玲子facebook：https://www.facebook.com/lovelovelingstravelmiles 粒粒玲子Blogger：http://lovelovelings.blogspot.hk 粒粒玲子官方網頁：http://www.lovelovelings.com 合作聯絡:lovelovelings@yahoo.com
