在家想食雲吞雞唔係難事...想食最吾鍾意包雲吞,懶得就懶用現成雲吞吧!加入兩棵娃娃菜,造就左呢一煲懶人雲吞雞...湯底好味雞嫩滑, 簡單易做, 大家一齊來學啦!高清影音食譜:材料:(3-4人份量)走地雞 1隻金華火腿 30g娃娃菜 2棵現成雲吞 1打薑 4片蔥 2棵鹽 少許水 1.8L做法:1) 走地雞去頭尾同腳,然後洗乾淨,水滾加薑蔥一齊飛水,盛起後浸一浸冰水過冷河備用;金華火腿切絲;娃娃菜撕開切件洗乾淨備用;2) 煲過另一鍋水(1.8L), 水滾後放入雞同金華火腿大滾15分鐘後轉細火煲1小時;3) 加入娃娃菜煲15分鐘,加鹽,再放入雲吞煲至滾起便完成❤️溫馨提示❤️1)湯面的雞油我就有保留的,之後加入娃娃菜一齊煮好有雞味,如果怕太油亦可以飛走雞油2)之前用瘦肉,味道比較淡;今次用金華火腿味道就香濃啲