華麗邂逅 Bungalow ♥ 法國小屋中享用特色佳餚 平時好少特別出中環拍拖, 不過前排愛上捉 Pokemon , 聽聞中環多勁野~哈哈~~ 就同蝦子餅在中環搵間餐廳食飯, 本來想搵間有 Check Point 既, 但經過 Bungalow 又被店內設計所吸引, 所以走左入去~嘻嘻~ 餐廳裝潢非常華麗, 寬敞的環境只有數十張台, 台與台之間都保持一定距離, 空間感十足 讓人覺得這裡可以慢慢坐著談心 裝潢真的很像法國餐廳呢~ 在中環蘭桂芳想找一間寧靜舒適餐廳, 其實不易, 大多都是「蒲」點餐廳 我兩口子只是想靜靜享用晚餐同美食~^^~ 餐牌上看到有龍蝦意大利煨飯, 想都不用想, 即點~^^~ 煨飯用正式意大利煮法, 飯粒比較煙煙韌, 不過個人比較喜歡軟身一點的 味道嘗可, 不過龍蝦味不算濃, 再濃點會更好 椰菜仔配煙肉及意大利黑醋 $88 竟然有椰菜仔點, 當然要點來吃吃 爽甜的椰菜仔用煙肉炒過, 一啖入口, 既甜既咸既爽, 好有口感 法式雞肉卷 $198 採用本地雞脾肉以鹽醃制半小時再做成卷狀, 雞卷外層煎得微脆香口 雞卷肉質尚算嫩滑, 在上面塗上黑松露薯蓉簡直正到爆, 哈哈~~ 黑松露薯蓉是我另外點的, 因為太喜歡, 所以也加了點上去雞卷一起吃~ 雞卷底下有些一條條好似麵既食物, 一問之下原來是炸過的德國雞蛋麵 Spatzle 啊~ 煙韌可口的口感, 感覺很有趣 Truffled Mashed Potatoes 黑松露薯蓉 $88 未上台就聞到黑松露香, 仲有至愛薯蓉混在一起吃, 無敵美味 如果薯蓉內有少少薯仔碎粒可能仲正 軟滑薯蓉配雞卷同樣無敵, 哈哈~~其實配什麼都好味 真係好想點多兩三盤 黑松露意大利手造扁意粉 手造扁意粉口感真的很有趣, 不似麵般煙韌彈牙, 反而有入口即溶的感覺 不過這一定要立即食, 一旦冷卻了便會痴埋一舊, 失去原本特色, 所以要即時吃啊~ 大蝦爽口彈牙, 但欠缺鮮味 Freshly Baked Chocolate Fondant 朱古力心太軟, 朱古力狂當然要選它 軟滑外層切開流出香濃朱古力, 濃而不膩, 唔算太甜, 唔錯 Pear and Almond Tart 梨肉杏仁撻 $88 焗過的梨子依然保留那份清甜清潤感, 軟腍適中, 酥脆撻皮和清甜香梨一起吃 那份又軟又脆口的感覺, 確實非常吸引 兩口子食到九點幾, 可能因為平日, 所以都不算多人 後來聽朋友說, 餐廳晚上會變舞池讓愛蒲者盡情歡樂 可能那天是閒日, 又沒有看到這個畫面啊~ 今次同蝦子餅都很喜歡這裡, 靜靜的環境, 坐得舒適, 對黑松露薯蓉一直念念不忘, 下次帶媽咪來吃先~ 謝謝大家來看LoveCath夏沫的文章啊~^^~ Catherine (LoveCath夏沫), 電郵 love.cath@yahoo.com.hk Facebook ~ http://www.facebook.com/cath.lovecath Fans Page ~ http://www.facebook.com/lovecathcath Instagram ~ http://instagram.com/lovecathcath 分享平台 Blog http://cathcath.theztyle.com/ (主要) http://lovecath.blogspot.com/ http://blog.she.com/lovecath/ http://blogs.elle.com.hk/LoveCath/ http://blogazine.beautyexchange.com.hk/?140958 https://blog.cosmopolitan.com.hk/author/lovecath http://www.ubeauty.com.hk/member_blog/lovecath http://itrial.hk/person.php?uid=7790 http://beauty.qooza.hk/u/LoveCathCath http://www.weshare.hk/lovecath http://lovecath.pixnet.net http://women.fanpiece.com/lovecath/ http://www.lovecathcatherine.tumblr.com http://www.openrice.com/restaurant/userinfo.htm?userid=758718 LoveCath 夏沫 點擊圖片放大