日式酒吧 ♥ 良朋歡聚好地方 AMAZAKE 日式酒吧 人大左, 只係想同三五知己坐埋一齊傾下心事~ 唔會好似細個咁唔理三七二十一都玩通頂~哈哈~~ 最近又同班姊妹聚, 搵到間新派日式酒吧, 靜靜地唔錯就入去試下~ 裝潢有點日式又有點西式, 最特別係個天花板, 好有心思設計埋~ 餐廳有個好特別既菜色, 就係自己整自己食既~DIY Sushi Platter 壽司盛 ($250) 都幾有趣架, 有齊紫菜、飯、三文魚、拖羅茸、玉子及蟹柳 拖羅茸最好味, 好想塞滿佢~哈哈~~ 隨自己喜歡放食物入去卷埋一齊就食得~ 好岩一家大細黎食, 小朋友最鍾意玩食物~XD 最重要係玩完要自己食返, 唔會浪費嘛~哈哈~~ 食左一陣, 有個朋友都仲未到, 又費事其他野食凍晒, 就叫D小食食住先~ Sweet Potato 甜薯薯條 ($58) 估唔到呢客甜薯薯條咁好味, 係用甜蕃薯做架~ 外層乾身脆口, 內層甜甜地既蕃薯茸, 好好味啊~絕對想再 Encore 呢堆朋友中有個餃子控, 每次食飯都要叫~ Pork Dumpling 豚肉餃子 ($70) 這客餃子味道一般, 不難吃, 也沒留下深刻印象 Octopus Maruko 章魚丸子 ($68) 見到章魚丸子就好掛住日本~味道醬汁都做到近似日式章魚丸子 但口感就粉比餡料多, 有點失色 嘩嘩嘩~突然上台的 De Javu 壽司拼盤 ($140) 賣相靚到呢~連平時少映相既姊妹都忍唔住同佢自拍一番 呢客壽司拼盤真係好美味, 沾滿日本醋的米飯軟棉棉, 壽司上的海膽和吞拿魚茸 一啖放入口中, 鮮味、甜味一次過擁晒出黎, 口感層次非常豐富 別忘了最頂的粒粒魚子, 一咬即爆開, 真係一件唔夠喉~好正~推介~ 最後食埋個招牌 Pizza AMAZAKE Pizza ($128)就岩岩好~ 平時唔太喜歡吃薄 Pizza , 總係覺得好硬會食到胃痛 但這裡的 Pizza , 唔係方間最薄個種, 也不是厚, 就是剛剛好的適中餅底 咬下去相當 Juicy , 半熟的三文魚滲出魚油香味, 夾著鱈魚籽的鹹香味 已經令人胃口大開, 還有底層的柚子麵豉醬, 令人越食越滋味, 明明飽都想再食多件 地方舒適, 食物質素又唔錯, 可以 Encore 既聚腳點 謝謝大家來看LoveCath夏沫的文章啊~^^~ Catherine (LoveCath夏沫), 電郵 love.cath@yahoo.com.hk Facebook ~ http://www.facebook.com/cath.lovecath Fans Page ~ http://www.facebook.com/lovecathcath Instagram ~ http://instagram.com/lovecathcath 分享平台 Blog http://cathcath.theztyle.com/ (主要) http://lovecath.blogspot.com/ http://blog.she.com/lovecath/ http://blogazine.beautyexchange.com.hk/?140958 http://itrial.hk/person.php?uid=7790 http://beauty.qooza.hk/u/LoveCathCath http://blogs.elle.com.hk/LoveCath/ http://www.ubeauty.com.hk/member_blog/lovecath http://www.weshare.hk/lovecath http://lovecath.pixnet.net http://women.fanpiece.com/lovecath/ http://www.lovecathcatherine.tumblr.com http://www.openrice.com/restaurant/userinfo.htm?userid=758718 LoveCath 夏沫 點擊圖片放大
