High Tea ♥ 放假最好和閨蜜一起變身做公主, 齊齊享用 Princess High Tea 今日去銅鑼灣試了間勁靚勁有公主 Feel 嘅餐廳 選擇呢間 Princess 公主 Cafe 完全因為個靚到爆的 High Tea Set 入面的環境真係勁靚呀~好有公主 間房既感覺~ 整間 Cafe 都是以粉藍色作主調, 直程想住係呢度呀~(心心眼) 好姊妹叫了杯 Rose Latte 玫瑰咖啡, 賣相好吸引呀~ 夏沫就點了杯果汁Violet Fantasy , 好清新的生果味, 含紅菜頭、青蘋果、紅蘿蔔 桃粉紅色的飲料, 越飲越好味~一杯唔多夠, 哈哈~~ 未食甜食之前, 先點咸食先, 點了客「海膽煙肉藜麥幼蛋麵」 聽個名就覺得會好好味 (因為我鍾意食海膽, 哈哈) 幼蛋麵非常彈牙, 每一條都吸滿海膽味, 每啖充滿鮮甜的海膽味又煙煙韌韌的藜麥幼蛋麵 還要邊吃邊感受到煙肉的咸香, 真係唔錯 High Tea Set 終於出場啦, 上枱一刻簡直靚到不得了 Afternoon Tea Set 二人份 $398 隻粉紅色高跟鞋造型係士多啤梨做架~ 忍不住相機食先~真係好靚呀~ 通常造型蛋糕都會比較硬身, 所以就好放心慢慢映相 誰不知當我們吃時已溶溶地, 但味道依然超美味呀~ 高跟鞋是以士多啤梨和乳酪混合造成, 所以有點點微酸帶微甜 入口即溶化的感覺真的回味無窮, 慢慢品嚐當中的士多啤梨味 細軟幼滑的士多啤梨中還含有細細粒的紅桑粒~師父真的很俾心機造它呢~ 旁邊的是朱古力玫瑰花, 用了 72% Coco可可粉去做 質感和高跟鞋近似, 入口充滿豐郁的朱古力味, 好香的朱古力味, 真的好想再吃啊~ 夏沫最喜歡吃 Dark Chocolate, 那份朱古力苦正是我最愛 還有很多的的式式的Macaroon, 細細粒一口一件, Macaroon 竟然有咸點, 好好奇呀~ 即刻好想試下~可以試一件甜再一件咸的, 哈哈~~ Macaroon 還精心配搭上下兩層是不同色不同味道的~ 令口感豐富, 試過咸味的 Macaroon 之後, 我發覺我更愛咸味的 Macaroon 外層甜脆配合內層的鵝肝醬味, 味道恰到好處呢~ 其中一件是檸檬味, 好清新, 沒有巴黎吃的那麼甜 酥皮撻精緻可愛, 看似以為會感覺油膩, 誰不知皮薄酥脆 味道有鵝肝醬、黑松露撻, 碎蛋魚子撻一定要連埋酥皮一起吃啊~香味四溢呢~ 黑松露醬咸咗DD, 所以連酥皮吃就剛剛好 細細件, 一口一件, Size 最岩女仔 宇治金時蛋糕好好味呀~上面個層綠茶味 Cream 好香滑呀~ 上面還有小星星點綴, 好可愛呢~ 煙三文魚忌廉芝士脆片、牛油果蟹肉脆片 ~ 一絲絲的蟹肉配脆片一起吃, 好特別 點擊圖片放大 吃完幼蛋麵、高跟鞋、玫瑰花, 款款都好特別 不過一樣比一樣特別~隆重登場的還有這隻超可愛的 Bear Bear 熊 要切開佢實在慘不忍睹, 真係唔捨得切呀~太可愛啦~~ 朱古力味沒玫瑰花濃, 但仍然感覺到那份香滑 熊仔中間竟然有蛋糕作心, 好 Suprise 呢~ 真係好想買黎送俾朋友, 但又怕佢快溶呢~ 真的是非常之靚嘅立體蛋糕仔, 超得意超可愛啊 好佩服師傅嘅功夫呢~ 夏沫特別拍攝了餐廳內環境及可愛熊仔, 大家有興趣可以看看啊~ https://youtu.be/GKhb1jkto8w 還有很多可愛造型的小蛋糕, 款款賣相可愛精緻 Princess 公主 Cafe 銅鑼灣告士打道255-257號信和廣場U/F 7號舖 謝謝大家來看LoveCath夏沫的文章啊~^^~ Catherine (LoveCath夏沫), 電郵 love.cath@yahoo.com.hk Facebook ~ http://www.facebook.com/cath.lovecath Fans Page ~ http://www.facebook.com/lovecathcath 分享平台 Blog http://cathcath.theztyle.com/ (主要) http://lovecath.blogspot.com/ http://blog.she.com/lovecath/ http://blogazine.beautyexchange.com.hk/?140958 http://itrial.hk/person.php?uid=7790 http://beauty.qooza.hk/u/LoveCathCath http://blogs.elle.com.hk/LoveCath/ http://www.ubeauty.com.hk/member_blog/lovecath http://www.weshare.hk/lovecath http://lovecath.pixnet.net http://www.lovecathcatherine.tumblr.com http://www.openrice.com/restaurant/userinfo.htm?userid=758718 LoveCath 夏沫 宣傳你的專頁
