大家估唔估到 今次我黎隱適美體驗館 有咩做呢 ? 賣個關子先～ 大家平時去開銅鑼灣，有無留意到呢個整潔又舒服既體驗館呢 入面除左有唔少 隱形牙箍 既資訊外 仲排列左 唔同周期變化既 隱形牙箍實物出黎～ 原來每個週期只係講緊大約1-2星期 即係話 每1-2星期 就可以配戴下一副牙箍 逐少逐少咁改變牙齒既排列 另外 呢度仲有Smile View專區 透過Smile View既數據分析 電腦會模擬你完成療程後既理想笑容^^ 大家去開銅鑼灣 都可以入去試下 : ) 好啦 係時候開估～今日黎隱適美體驗館 其實係上皮革製作班呀～ 一開始真係無從入手 ... 但一開始左 就會停唔到手 ~~ 會好想完成晒佢 !! 重點係 導師教得好生動, 又好有心機啊 !! 今次我地整既係一個 可以裝到牙箍盒既小皮包 堅實用 ~ 仲可以刻字/符號 好獨一無二! 原來整一個小皮包真係唔簡單 但係只要肯比d耐性 最後得到既滿足感會令你覺得一切都值得^^ 我覺得同對自己身體/牙齒 都一樣啊 只要用心善待佢地，最後既回報都係值得 佢地黎緊每1-2個月 都會定期舉辦唔同workshop呢 ! 大家可以密切留意住佢地既IG同FB公佈 <3 除左整皮革之外，今日仲聽左一位隱適美隱形牙箍用家既親身分享～ 以前對箍牙一向好抗拒，覺得會令人無晒食慾同埋太影響外觀... 但發現用隱形牙箍既話，以上既憂慮都一掃而空啊～ 今日呢位用家本身係做主持架，佢覺得載左隱適美隱形牙箍都無阻佢咬字/出鏡等等 相信對於唔少貪靚朋友 都係一個好既牙齒矯形方案! Invisalign店家資訊 FB: Invisalign Hong Kong 隱適美 矯齒隱形牙箍 IG: invisalign_hong_kong 專頁: https://www.invisalign.com.hk/ 地址: 香港銅鑼灣怡和街18號地下 (地鐵站F出口, 銅鑼灣SOGO馬路斜對面)
