看著海 吃 的 早 餐 第一天到步 的確有一剎 好像重回墾丁了 從來唔知道 香港都有個咁靚既地方 呢度係 大嶼山既浪高長岸 我地玩左2日1夜 .. 因為想WILD D ~所以揀左“南非營屋”入住 ( 另外 有露營車, 同埋舒服D既室內房間可選 ) 呢度提供既早餐 雖然簡簡單單 .. 但對住個海食 .. 真係好好FEEL -- 咁我地第1晚既晚餐呢 ? 係加左 每位$250 要埋BBQ (及寢具) ~ ( 不是任食, 份量按人數而定 ) 食物種類好豐富, 份量方面, 多男仔既話 可能唔太夠 多女仔既話 就會食唔晒 , haha (鹽燒牛扒 同埋 孜然雞中翼 真係超超超好食啊 !!!) 幾鐘意佢有大大盤Caesar Salad, 可以中和返肉食感 (頭盤) 凱撒沙律、麵包 (肉類) 鹽燒厚切牛扒、孜然雞中翼、 蜜汁豬肋條、 紅腸以及司華力肉腸 (海鮮類) 多春魚、魚蛋以及青口 (蔬菜類) 金菇、栗米以及茄子 已包括自選罐裝飲品乙個及即棄紙碟及餐具 p.s. 其實大部分人都會加呢個BBQ Set 因為有埋枕頭同被 否則就營屋入面就淨係得床墊, 咁你可能就要自備枕頭/睡袋至得~ -- 重點:: 營地環境 ! 營屋入面 基本上就係最簡單既床墊 因為加左BBQ套餐 (先會)有埋枕頭同被 我地係正最凍既日子入營 但放心 營入面個暖氣 絕對好強力~ 唔使擔心訓覺會唔夠暖 點擊圖片放大 行1分鐘 就到達一望無際既沙灘 ~ 睇到日出日落 夜晚 呢度燈光唔密集, 所以一抬頭就有星空 ( 都建議大家自備電筒既 ) 有2個廁所+2個淋浴間, for三個營既人share (不過我地去個陣得我地1個營 所以即係我地用晒) 衛生程度 就同平時去行山會去既廁所差唔多 潔癖人士 可以選擇行多3分鐘去沙灘公廁 ~ 另外可以免費使用非機動活動設施 例如:: 獨木舟 同滑浪板, 不過我地無玩到 -- 另一重點 :: 價錢 我地8人留宿, 合共$2,519 (另加BBQ每位+$250) 即係Around人頭$565, 個人覺得呢個價錢 買到既係遠離塵囂 同臨海渡假 (愛玩水上活動既人就更正啦) 仲包埋晚餐同早餐, 係香港放鬆唔錯既選擇 : ) 其他資料:: Time: 入營5pm, 離營12nn 大型南非營屋最多可加床至10人 店家網頁: https://longcoast.hk/ 地址:: 大嶼山長沙下村29號 -- 交通:: 經東涌 揸車/地鐵東涌線/任何E線巴士 入東涌新市鎮 係東涌巴士總站 (地鐵站旁) 轉乘大嶼山11/11A/23號巴士 長沙下村/下長沙海灘 落車, 車程~25分鐘 經梅窩 中環 - 梅窩 (港外線6號碼頭, 每日超過30班船, 快速船行程約半小時, 普通渡輪行程約 50 分鐘) 橫水渡 (坪洲 - 梅窩 - 芝麻灣 - 長洲) 後轉乘1/2/4號巴士 長沙下村 落車, 車程~15分鐘
