探訪一個藏族村莊 — 走進信仰深處 聽聽故事,留個因緣 去一個地方,就去那裡人生活的地方看看。來到藏區,一定要到藏民家走走看看,聽聽故事,留個因緣。 一杯甜茶,認識了一位藏族姑娘,剛好走到她家門前,就見到2位小孩子從家門走出黎,上左一架車,一架無頂,似乎系用黎做努動既車,小孩子都較為怕羞,可能系少見外人。 聽藏族姑娘講起自己既故事。她能講一口流利既國語,系因爲她幸運地有機會到外面讀書,學到好多不同既新事物,同時亦錯過了結婚既時候。因為藏族女孩一般十幾歲就結婚生小孩了,她有一個妹妹,剛好23歲,就已生了2個小孩,就系我地剛剛系門口見到既。 然後她開始同我地分享,從飲食到文化、從信仰到生活。密不可分既系高原勞動人民艱苦卓絕既務實作風。她說藏族人一生腦海裡只有3樣東西: 1。做勞動 2。錢只留起夠日常生活,其他全部奉獻到寺廟,然後寺廟會跟據你既家人奉獻多少,回贈一些已加持既經砵及經碟放家中,所以每個家庭都有好多,但千萬唔好睇少呢D經砵經碟,因為男既是否能娶妻,女既是否能嫁得出,都系睇下你家擁有經砵經碟既數量。 3。每天開開心心,唱歌跳舞 另外,姑娘有提到每年3月至6月會上山採冬蟲夏草,一行12人手拉手,然後扒系地方用手一條一條扒出黎,甘樣先可以確定唔會有漏到某些地方。到7月至9月因爲系雨季,所以會有某幾種菌類植物可以採,然後將所得既全部賣到市集,然後得到既錢大家平分。 姑娘講左一句,我非常認同既說話,佢話上天系公平既,我地雖然活系大城市,有源源不絕既資源,可是我地唔快樂,唔健康,但系佢地雖然窮,無多餘既東西,但上天就俾左佢地擁有珍貴既葯材,及快樂且健康既身體,呢度既人唔會離婚,老人亦唔會去養老院,佢地會當家中長輩好似神明一樣供養照顧,一家人關係非常好。 在我們眼中能磕長頭,磕幾年,只為心中永遠潔白既藏族人,內心先會有甘強大,能將信仰進行到底,把更多善良既行徑帶給他人。 “磕長頭”是藏傳佛教信仰者最至誠的 既禮佛方式之一。磕頭朝聖既人在其五體投地既時候,是為「身」敬;同時口中不斷念咒,是為「語」敬;心中不斷想念著佛,是為「意」敬。三者得到了很好的統一。 臨走前,我地分享左帶黎既零食,小吃俾一些村民,一同嘗試。 好一次真誠又有趣既文化交流,我還在消化當中既感受。 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx Like our Facebook Page:https://www.facebook.com/loveatgirlsss/ Instagram:loveatgirlsss