之前係度食過lunch, 但原來prime ribs要晚市先可以食到, 加上呢排工作太忙要食好西獎勵下自己:PP 呢間餐廳既門面平平無奇, 但原來禾稈冚珍珠! :O Fishman’s Crab Cakes 即炸蟹餅 $188 好足料既蟹餅!!!!! 岩岩炸起熱辣辣超好味! 一切開就會見到一條條蟹絲, 炸粉又唔會太厚, 因為我最怕就係食到成口粉漿! 雖然賣相久奉但味道搭夠! Butterfly Jumbo Prawns 鮮蝦沙律 $168 蝦都爽口, 好新鮮, 個人幾中意沙律個汁, 酸酸甜甜幾開胃, 不過份量有d小 USDA Prime Rib Regular Cut (medium rare) 慢煮牛肋排 $388 呢個就係我地黎既目的啦!! 一上牒就差d口水都流埋!! 唔好睇佢個樣咁紅, 但係食落去1d血腥味都無, 肉質仲好軟, 牛味好重! 因為佢係慢煮, 所以更能將肉汁鎖住! 佢仲有一小牒肉汁係隔離, 點一點更加原汁原味, 唔洗點其他醬都已經好好味! 最正係無骨,啖啖肉好滿足<3<3 Regular cut大約8oz, 4個女仔食岩岩好呀! 又可以嚐鮮, 又可以留肚食其他野 Canadian Sea Urchin carbonara 加拿大海膽意粉 (季節限定) $238 見到佢舖係上面厚厚既海膽已經覺得物超所值! 海膽好鮮甜, 又夠哂creamy, 每一啖都係大滿足! 呢個海膽意粉幾乎係我食過最好食既海膽意粉! 不過原來佢係季節限定, 餐廳話通常只會係10月 – 4月海膽最靚既時候供應, 如果想食既朋友仔記得留意或者打電話去問下先呀 :D Creamed Spinach with Bacon 奶油波菜配煙肉 $60 估唔到佢d side dish份量都唔小! 我超中意食呢個, 好creamy, 雖然好肥, 但一邊催化眠自己…菜黎架.. 健康架… :PP Creamed Corn 奶油栗米 $60 呢個簡直係邪惡之選..但又令人欲罷不能….. 但食多左有dd膩, 所以建議大家唔好掛住食side dish要留肚食main… hahaa Lemonade $42: 佢有3隻味, 分別係Regular (原味), Green (青瓜), Pink (雜莓), 我地每人叫左一杯, 一致認為最好飲係青瓜, 味道好清新而且好特別, 值得一試! 順帶一提, 除左prime rib只限晚市供應, 其他午市都可以食架, 另外推介Prime Rib Sandwich! 我上次lunch黎2個女仔食1個full share都夠飽,1個女仔食half cut當lunch已經好夠, 不過午市價錢同晚市一樣, 感覺夜晚黎cp值高d 餐廳資料 Westwood Carvery 地址: 中環蘭桂坊和安里2號地舖 #WestwoodCarvery #BestPrimeRib #LKFprimeRib #LanKwaiFong xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx Like our Facebook Page:https://www.facebook.com/loveatgirlsss/ Instagram:loveatgirlsss