天氣涼返最岩就係打邊爐架喇！又係我邊爐怪出現既時候喇點擊圖片放大 今次去左一間主要食牛既火鍋店，佢有好多款不同部分的牛肉(而且都真係淨係得牛)，地方都幾大，無其他火鍋店咁迫，好中意佢用iPad點餐，好環保，而且上菜好快，店員服務都好好！連上菜既姐姐都好好笑容，食牛黎講價錢都幾合理。仲有張紙教埋你咩部分淥幾耐，好細心！ 點擊圖片放大 +2 湯底我地今次揀左較為特別既鴛鴦酸菜牛骨湯底。酸菜湯底比較惹味，適合重口味人士，而牛骨湯底則比較清淡。個人較喜歡酸菜湯底，不過食到尾有小小偏咸！雖然喜歡食牛，但本身對牛肉既追求並不是太大的我們其實唔係好分得出佢地既味道，只係識分好食唔好食，有無牛味點擊圖片放大 以下係中女推介： 滑尾龍($48)（☆一定要叫☆）：加左蛋後超滑超林超好食！加蛋同唔加蛋既分別真係好大！我地全部都最中意呢個 （而無加蛋既"尾龍"($48)就好瘦，幾乎無油脂，我地就麻麻地喇） 牛駝峰($48) / 腩頭($68) / 吊龍伴($68) / 封門柳($68) / 牛肉餃($48)(呢個唔係普通既牛肉餃，個涵應該係自己打既牛肉滑，中女J覺得好騷麻麻地，但我覺得好好食) / 鹽燒牛舌($38)(厚切好好食) / 手打牛丸($48) 其他都好食，不過我真係分唔出個味道點擊圖片放大 +4 其實佢出名手工啤，我地見到好多外國人都黎，但由於我地都唔想飲啤酒，所以都無試到，中意飲啤酒既朋友可以試下！ 手工啤同cocktail既名都好特別，我地叫左”那些年我們一起收過的兵”，細細杯價錢唔平，味道不過不失。本身想叫埋”綠帽唔怕戴”，可惜佢無哂。叫左一渣酸梅湯：偏甜，好似藥水味既黑加倫子汁，不推介 616麥子 尖沙咀赫德道4號The Hart 1樓 xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx Like our Facebook Page：https://www.facebook.com/loveatgirlsss/ Instagram：loveatgirlsss
