每年一到六月都會令LOLO好頭痕，因為佢要諗下我生日要點慶祝。 今年應該比較易應付，因為正日大家都要上班，只需要諗下晚餐食咩。 LOLO是一名緊張大師，佢好想比驚喜我tum我開心，但自己又怕我唔鐘意， 所以從事前一些蛛絲馬跡我都大概估到佢會帶我食咩。 就係生日前一晚，佢問我會想坐出面定入面，出面就有野睇。哦！！明哂：) 當日放工LOLO轉程搭地鐵接我再搭返轉頭到銅鑼灣。 去到銅鑼灣我就跟實LOLO啦，因為我完全唔識路。 佢帶我去的就是《鉄人旨花》食鐵板燒。 我一直都好想試鐵板燒的，而之前上網亦睇過關於呢間餐廳的介紹， 所以我好開心啊！ LOLO點了A5日本產和牛龍蝦二人前 先來前菜：鮮茄露筍野茶沙律 ＋ 手作前菜 沙律都很新鮮，但個汁好重豆味，我麻麻地喜歡，LOLO就覺得唔錯 食完前菜就開始睇師傅表演喇，我睇得好入神啊⋯⋯哈哈 第一道是銀鱈魚（西京味噌汁） 上碟時師傅很細心地提醒我地小心魚骨 魚塊看似普通，但當我試左第一啖後，我即時同LOLO講好滑啊！ 完全無諗過會咁滑，第一道菜已經咁有驚喜，我地更期待主菜！！ 主角之一：海膽汁煮活龍蝦 師傅先把龍蝦燒至半熟，使龍蝦殻同肉分開 心型龍蝦! 再將海膽汁同龍蝦混合，師傅邊炒我地邊聞濃濃的海膽味 師傅擺到靚靚上碟，龍蝦好新鮮好爽口，同海膽汁十分夾，我同LOLO都大讚 。 食完後店員會把龍蝦殻拿去煮湯。 登登登登！A5和牛！呢塊係我地同台另一客人的，但LOLO一見到好興奮以為係我地就影了⋯⋯ 配菜們 睇返相都流哂口水啊！ A5和牛果然不同，真是入口即溶，牛有牛味 食到呢度我都差不多飽了⋯⋯大食既LOLO成晚不停話驚唔夠食。 其實食物份量都多，一男一女食二人前真的足夠。 點擊圖片放大 +2 再食埋呢碗炒的粒粒分明的炒飯，我同LOLO都大滿足啊！ 唔好忘記剛剛既龍蝦殻，煮出來的湯鮮味十足 去到最後LOLO扮哂傻問我甜品要綠茶定紅豆雪糕 我地未order店員就送左比我地喇 係度要多謝為我慶祝生日的LOLO，下年便係澳洲慶祝了！
