今年年初屋企迎嚟第一隻小魔怪，眨下眼已經6個月，準備學爬啦！XD 為左迎合BB發展需要，我同老公網購左一塊alzipmat（爬行地墊）返嚟，等bb有多D空間玩同學爬。 件貨一到就想拿拿臨擺阿B落去玩，點知要面對一個好嚴峻嘅問題：原來屋企無咁多空間舖playmat（好明顯度錯位）！ 第一個諗到嘅解決辦法係清走廳中間嘅雜物（連梳化都移埋一邊），執完一輪之後終於放得落塊playmat啦！不過就搞到連企嘅位置都無咁滯，因為仲有BB餐桌椅、學行車、玩具、衣物、尿片等等一大堆雜物~~真係頭都大埋...... 老公就提議，不如租個迷你倉啦，將D平時少用嘅物品放入倉，順便將figure放埋入去，咁屋企咪有多D空間咯！又係喎，話曬租個十幾呎嘅倉都係幾百蚊，可以解決到儲物煩惱，屋企又可以有多D空間比阿B坐學行車，呢個提議真係“叮”一聲印左喺我腦海入面，於是我就開始上網比較唔同迷你倉嘅價錢。 一開始搵到間價錢幾平嘅倉，不過睇相已經覺得燈光非常陰暗，何況去到現場呢，對於我呢D會經常入倉拎嘢存嘢嘅人嚟講，都真係有D驚架……所以我點都要租個明亮D、環境好少少嘅倉。 比較左4、5間迷你倉之後，最後都係覺得蘋果迷你倉嘅環境比較符合我心水，畢竟我係擺家居換季物品、figure、同bb用品為主，所以環境係重點考慮之一，而且佢嘅價錢又合理，地段又好，所以我哋最終就揀左蘋果啦~ 第一次入倉嘅時候我同老公仲特意繞場一周，個場都幾大，通道寬闊，夠冷氣，有飲水機同梳化，真係唔錯（沾沾自喜自己揀啱） 嚟緊仲有荷花bb展，我準備大掃bb尿片同零食，未用得著嘅囤貨都可以放左入倉先，屋企唔使堆到滿晒雜物！ 蘋果迷你倉：https://www.applestorage.com.hk/
