Little Creatures Brewery Factory at Fremantle 這是一間十分有特色的啤酒廠加餐廳, 位於Fremantle地區 每個星期天, Fremantle不單止充滿了外國遊客, 其實本地的珀斯人都很喜歡到這個海港享受一下藍天白雲同食下超有名的魚與薯條 駕駛由Perth city 到Fremantle 只需要大約40分鐘, 不過大多數的街道都要俾$ 泊車 所以好多人亦會選擇乘坐火車, 沿Fremantle line從Perth搭到最尾一個站約45分鐘 一入到去, 就已經見到4條大大的啤酒柱 等我嚐試下D 有名啤酒先... 都有幾款選擇, 價錢AUS$5.5-7.7 左右 (細杯) 我嚐試左Rogers' Amber Ale 3.8% 酒精濃度 味道很有小麥味, 甜甜的, 很易入口 餐廳氣氛無論什麼時候都很熱鬧的. 食物價格不是很便宜, 不過味道超棒, 而且菜式亦比較特別~ 木燒Pizza ~AUS$9-24 pizza的皮超級香脆, 而且味道十分之有木炭味! 皮不是很厚的那一種. 值得一試!! Kangaroo 串燒 ~AUS$22 呢個袋鼠肉, 口感很QQ, 味道好似食緊牛肉咁... 最好味係配的那個蕃茄汁...少少辣好惹味 不過, 食緊的時候知道係袋鼠肉, 感覺總係怪怪的... Mussels 青口 (蕃茄/Garlic/Wine) AUS$24 青口肉中粒size, 鮮甜多肉汁 用麵包點個汁食, 好好味~ 我覺得白酒味比起蕃茄味更夾~ 其他食物好似小食Octopus, 燒粟米等等都好好味~ 坐樓下地面果層好有氣氛, 見到D Waitress 行得好快 又住樓上就有另一個景觀 (P.S. 但services會慢DD) Melbourne, Geelong 都有分店架~ 如果無時間去朝聖, 其實好多賣酒的舖頭都有little creatures的罐裝啤酒賣 地址: 40 Mews Rd, Fremantle WA 6160 P.S. 因為係啤酒廠的關係, 有時候大門口會企左個"食Q"大漢查身分證...以免有小朋友進入飲酒, 事實上餐廳係俾小朋友進入食野的... 所以我都覺得查身分證呢下野就多左啦... 佢有時會查, 但有時唔理, 不過當佢查起上泥而你又無身分證就唔俾入, 所以都係攜帶定passport 穩陣D~
