小妹多年前食過一次牛油果,但口感一般,因為我就咁食仲要(生生地),加上(佢)擁有一個咁肥嘅名,所以一直對(佢)無乜好感,.直至近日在社交網站見朋友仔分享牛油果三文治食譜,又有朋友仔話(佢)加豉油wasabi口感似三文魚??令小妹再一次對牛油果這名字產生興趣. 三文治食譜是咁的:半個牛油果(熟熟地),1片芝士,蒜鹽少許. 一試之下口感係超.........正,質感有啲似肉,好(噤)飽.令我對牛油果另眼相看.再揾揾(佢)嘅營養資料,先知原來是寶 每100克約半個牛油果營養價值: 熱量:160kcal 蛋白質:2克 維他命C:10毫克 脂肪:14.7克 單元不飽和脂肪:9.8克 維他命E:2毫克 飽和脂肪:2.1克 多元不飽和脂肪:1.8克 鉀:485毫克 碳水化合物:8.5克 葉酸:81微毫克 纖維:6.7克 呢個寶有咩好呢? 含豐富維他命E,抗氧化之餘仲有助促進女性荷爾蒙. 含消化酵素,可助分解脂肪和水份. 油酸-可提高新陳代謝. 可降低壞膽固醇. 纖維含量高,幫助腸道健康預防便秘. 鉀元素可降低患高血壓,心臟病及中風的風險. 葉酸-製造紅血球必要元素,可預防貧血