人長期在國外，就寧捨掛住香港啲嘢食。明明有啲喺香港嘅時候十世都唔食一次，但嚟到外國一見到就必掃貨，邊食邊喊住好想返香港呀！如果你身邊有人唔介意做水貨客越洋幫你拎衣樣拎果樣，你最想叫佢地帶啲咩呢？ －－－－零食飲品類－－－－ 1) 熱浪薯片 我份人就係咁唔爭氣，明明日本嘅零食多到數唔晒，但就係想食返熱浪果陣味！ 2)合味道杯麵 「日本都有賣合味道啦！」我知呀！但我就係要食香辣海鮮味！淺藍色果隻！！ 3)維他奶 維他奶麥精檸檬茶永遠不嫌多～～維他奶茶亦係我嘅最愛之一♡♡ 4)涼茶 以前盡量只買傳統涼茶鋪即煲即飲果啲，但而家既然再冇衣支歌仔唱，就唯有退而求其次，加左防腐劑嘅都照殺。 －－－－罐頭類－－－－ 1) 午香肉丁 日本冇嫁！真係冇嫁！ 2)豆鼓鯪魚 我最愛嘅豆鼓鯪魚炒油麥菜，然而我暫時喺焗豆日本仲未見過油麥菜嘅蹤影⋯⋯ 3)蕃茄焗豆 焗豆加幾條腸仔、炒蛋、煙肉、麵包，英式all day breakfast簡單完成。 除此之外，朋友仔仲帶過午餐肉比我，不過日本自己賣緊嘅都唔差。 －－－－食材類－－－－ 生抽、老抽、甜豉油、豆豉、南乳、雞粉、雞湯⋯⋯ 以前喺屋企時就有媽媽的孩子像個寶，而家一個人喺外面生活就乜都要自己煮，但買餸時往往發現要果樣冇果樣，一係就貴到飛起買唔落手。所以我學醒了，下次返香港一定要去supermarket擺調味料果樹打躉。 －－－－雜物篇－－－－ 1) Tempo紙巾 其實我並唔是非Tempo不可，只要有人帶一包包細紙巾比我都好感激。因為日本係冇賣細包裝紙巾嫁，真係唔知佢地出街果陣點算⋯⋯ 後記： 啱啱是但search一search香港有咩好嘢食，見到有網站介紹由英文字母A－Z為首嘅香港地道美食，砵仔糕、臭豆腐、雞蛋仔、格仔餅、咖喱魚蛋、魚仔餅、波蘿油⋯⋯半夜三更見到啲咁嘅嘢，哀哉哀哉。 https://hk-magazine.com/article/best-hk/hk-picks/12685/z-hong-kong-street-food
