相信大家對「壁咚（壁ドン）」衣個日本流行語都唔係好陌生，根據維基百科既解釋(1)，壁咚可以用黎形容以下兩種情形： 1. 在公寓大廈，隔壁房間發出吵鬧聲時，捶打牆壁以表示抗議的動作。 2. 男性將女性逼向牆壁時，男性伸出手臂拍擊牆面發出聲響的動作。 第一個情況，如果喺香港你隔離屋傳黎d咁既聲音，相信一般人既反應一係就：「嘩而家過去拍門my spring pocket will be barbecued嫁喎！」，又或者因為你無從判斷是次事件合唔合符家暴指引，你係唔知報唔報警好嘅。 咁當然壁咚能夠人氣一時無兩，絕大原因係因為第二個情況。試想像男將女逼向牆，再突然「咚」一聲拍落女仔挨緊嘅牆，女嘅走又唔係唔走又唔係，忐忑不安唔知男仔下步會做咩，男嘅就霸氣盡現掌握全局，果種征服與被征服既感覺真係男定女都好想尖叫（可能係因為你好心動，又或者係好驚..） https://youtu.be/lXtLpEF4XNo日本服裝品牌GU舊年就推出左「來自美男的心跳壁咚（イケメンから“壁ドン”胸キュンイベント）」服務，你揀好件衫之後，就會有靚仔男sales「咚」你埋牆，同你講件衫好襯你，嗚呀！ 你而家係咪蠢蠢欲動好想試下壁咚呢？但其實壁咚已經outdate左啦哈哈！有啲男仔可能會覺得壁咚太過aggressive，擔心逼完人埋牆分分鐘未講得切野就比人話變態嘅話，而家就有另一個新招「背後捲袖（袖クル）」幫到你！「背後捲袖」，意指男仔從後輕輕咁攬住女仔，再好貼心咁幫對方捲起衫袖嘅動作，女仔可以感受到後面傳黎嘅陣陣體溫（嗚），男仔又可以展現溫柔嘅一面，係咪聽落比壁咚work好多呢！ 圖片中嘅男主角福士蒼汰之前就係靠「壁咚」捕獲唔少少女芳心，今次佢喺新戲《閃爍的愛情（ストロボ・エッジ）》入面再駛出一招「背後捲袖」！ 不過「背後捲袖」其實係期間限定嫁，喂一到夏天個個著晒短袖衫邊有袖比男仔捲呢？所以襯而家天氣未完全回暖真係要快啲試下！而且留意返，男嘅唔可以太矮，如果唔係就攬唔實女女嫁嘛，亦都唔可以過份高，否則就會好似姚明咁… 壁咚同捲袖而家喺日本都好受歡迎，經常都會喺日劇或者電影入面見到（現實就不得而知了），但同時亦有一班日本網民揣測緊，繼壁咚同捲袖下一招係咩呢？而以下係我暫時見過最有創意既… 壁咚（壁ドン）→ 挨緊耳邊講野（耳つぶ）→「鎖起她！」咚（閉じ込めドン） 要點鎖住佢？一個人係做唔到嘅，你需要嘅係一班隊友... Anyways，無論你想體驗邊一種， 首先，你要有一個男/女朋友，sosad。 (1) http://zh.wikipedia.org/wiki/%E5%A3%81%E5%92%9A
