話說前陣子去左日本旅行， 由大阪玩到去尾道、広島。 最後一站就係広島o既嚴島神社~ 広島有兩個世界文化遺產， 但其實去広島旅行，景點唔多， 行程通常都係一日市中心， 一日去宮島．嚴島神社~ ＝＝＝＝＝＝＝＝＝＝＝＝＝＝＝＝＝＝＝ 広島市中心主要係去其中一個世遺， 原爆dome、平和紀念公園； 另外仲有広島城，仲可以行商店街等等… 平和紀念公園 原爆前後. 平和の祈り 地球上から核兵器廢絕. 原爆dome. 而lee篇blog主要講o既就係另一個世遺， 「嚴島神社」 以及係宮島舉行o既夏祭「宮島水上花火大会」~ 世遺：嚴島神社 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 嚴島神社及宮島水上花火会小貼士： （一）、花火大会係每年八月頭舉行，通常都係星期日舉行 （二）、去宮島玩可以考慮買「広島電車兩日券」， lee張券包你無限任搭広島電車兩日， 同埋去宮島o既來回船票，同埋搭纜車o既車票， （広島電車係広島市同埋去宮島o既主要交通工具），總之就抵~ （三）、去宮島玩，最好穿拖鞋，因為你實會落水行埋去大鳥居度… 除鞋落水其實都可以，但海床有唔少「広島蠔」，會吉腳… （四）、睇花火大會o既話，最好帶一張蓆， 因為你會坐係退左潮o既海床上面睇，海床濕立立，好污糟… （五）、花火大會由夜晚七點半，分6、7幕， 一路放到九點半，水會不停漲，要有隨時走位避水o既準備， 貼士係一開始就唔好坐咁出睇… （六）花火大會應該係広島人一年一度o既盛事， 最好睇完第5幕就走定去碼頭，因為完場迫爆，有排都走唔到， 而且広島人無東京人咁守秩序，佢地係會衝衝撞撞，同埋打尖= = （碼頭其實都睇到煙花，不過無個鳥居做前景， 就同平時睇o既煙花無乜分別） lee個係宮島觀光網址： http://www.miyajima.or.jp/event/event_hanabi.html ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 每年暑假日本各地好多唔同地方都會舉行夏祭， 大放煙花o既同時周街都會擺左好多檔攤， 賣野食、撈金魚、射槍遊戲…等等~ 夏祭攤檔~ 相信好多睇日劇、日漫o既人都見過lee d 場面= =” 唔同地方放煙花o既時間都唔同， 例如：尾道係每年七月廿幾號、京都宇治就係八月七、八、九號左右， 而今年宮島就係八月十一號嘞~ 請注意：荒天時順延。即係天氣唔好就會順延~ 不過今次旅行天氣很好= =" ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 宮島o既嚴島神社（有時又會叫做宮島神社）， 係一座興建係水上o既神社， 正確d講應該係興建係泥灘上o既神社， 早上、中午係水漲o既時候， 神社左右四周都係海水， 係走廊上面行來行去好有feel～ 水退o既時候，就會剩返泥灘， 水退到退到好遠，遊人可以走落海床， 去接近宮島神社o既標誌，大鳥居~ 宮島上面住左好多鹿~ 佢地係個島度自由走來走去ga~ 白色個枝野係面左右咁掃...唔記得有咩用= =" 中午水漲中o既神社~ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 當然，成日流流長，緊係唔會係神社度等佢水退啦， 係神社o既背面有座彌山，有得搭纜車上山兜個圈， 到左纜車山頂車站之後，有條路可以再向山上面行， 中途會經過一d神社、寺廟，最後會上到觀景台， 俯瞰瀨戶內海~ 彌山登山纜車~ 山中神社有好多用石頭砌成o既野... 宮島彌山o既地藏菩薩，同尾道o既唔同樣~ 下山時經過河渠邊，有好多人在洗腳...浸腳= ="（開始見到好多和服女仔@@） ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 搭完纜車，行完山之後， 下午返到神社，海水退左唔少， 見到咁，緊係急不及待，間水走出去大鳥居度影相啦~ 如果你唔想濕腳，其實可以再等一下，因為水會繼續退， 最後會成個鳥居都會屹立係海床上面~ 當然，企係水上面同鳥居影相又有唔同o既感覺啦~ 開始水退~ 除低對鞋，求其放埋路邊就走落去玩lu（係日本無諗過會唔見野= =） 由大鳥居回望神社／由神社海床望向大鳥居 大鳥居下春光~ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 花火大会會係天黑之後開始（好似講緊廢話…放煙花當然要天黑= =） 好多人都係海床上面排排坐等睇煙花=] 排排坐等睇煙花~ 當地日本人早一晚就來霸位= =" 夜幕低垂，準備放煙花~ 大鳥居作為前景o既宮島水上花火大会 由海水襯托o既宮島水上花火大会=] ~ BLOG: http://liupay.pixnet.net/blog Pixnet Blog http://blogcity.hkheadline.com/liupay 頭條日報Blog Like my Facebook page=] LiuPay 宣傳你的專頁
