早前去了日本旅行， 雖然旅程中有「京都、大阪、神戶、広島」等著名地點， 但其實這次旅程最重要的目的地係『『『尾道』』』！！！ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 中學時代已經認識lee個地方... 認識的途徑就是「漫畫」－《純愛塗鴉》， 這是典型的少男漫畫， 講的就是日本高中男追女、女追男o既故事... (很毒...= =") 照片來源：Google. ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 日本漫畫認真的地方，其中之一就是實地取景。 好多人會諗：「唔係拍電視電影，實地取景取d咩呢到底？」 原來好多日本動畫漫畫都會搵一個地方作為故事背景， 例如：大家熟悉o既《蠟筆小新》，背景就係「琦玉縣」 （雖然我唔係好清楚，lee套漫畫其實有無描繪過個個縣o既實景= ="） ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 《純愛塗鴉》就係以尾道作為背景～ 「尾道」lee個地方係一個港口小城市， （因為lee個地方好寧靜，所以我諗緊應唔應該稱之為城市= ="""） 可以分為山邊同海邊2部分， 中間由鐵道路軌分隔開： ========= 山邊有好多屋依山而建， 屋與屋之間隱藏左好多上上落落o既坂道， （坂道其實即係梯級= ="） lee d坂道係尾道o既一大特色～ （lee d坂道之中有好多寺廟，在尾道神社比較少= ="） 由於坂道依山而建， 係坂道上面隨時向山下面望都可以欣賞到 山下面一排排小屋同港口o既靚景～ （所以成日都見到d人係度畫畫， 尾道係一個好有藝術氣息o既地方喔@@"） 點擊圖片放大 由山頂千光寺公園，到坂道，到商店街都有人畫畫~ 由坂道再向山上面行就係千光寺、淨土寺等寺廟， 千光寺係lee套漫畫入面成日出現o既場景喔@@"" (千光寺有好Cutie o既地藏菩薩像[錢aun]@@") 去千光寺，建議搭纜車上千光寺公園，之後行返落o黎～ 纜車每半個鐘開一班～ 眼看手勿動@@"，覺得可愛，想要，可以去千光寺買~=] 係千光寺行落山途中會見到好多野貓， 貓都係尾道o既特色之一， lee套漫畫都有唔少情節連繫到貓，主角都收養左隻野貓@@" （係千光寺山腳附近仲有條「貓之細道」添～ 入面有好多畫成貓咁樣o既圓石，叫做「福石貓」， 有好多舊，每舊都可以摸住來許願，唔同「福石貓」許唔同o既願~） 千光寺行落山途中的野貓～ 以尾道招財貓為主題的poster～ 貓之細道入口～ 入口附近有「初代福石貓」，摸佢個頭3下會願望成真=]~ 左面這個可許願身體健康～ ========= 海邊那部分，係鐵路o既下面，都有唔少民居， 而尾道最旺o既商店街亦都係lee道， 雖然話最旺，其實都仍然係好靜，人都唔多個， (尾道唔係一個特別出名o既旅遊城市，遊客唔多， 而本土人見得最多就係中學生～) 尾道中學生～ 除左商店街，尾道好多食肆都隱藏左係商店街至海邊o既民居之中， 要尋下寶去搵野食~ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 去尾道旅行小貼士！！！！： （1）商店街大多數店鋪都係下午六點關門，食肆除外 （2）大多商店定休日都係木曜日，即係星期四，要注意喔 （3）去尾道旅行通常由「広島搭JR山陽本線」或 「大阪搭新幹線到福山站，轉JR山陽本線」去， （搭新幹線不要去新尾道站，去福山站較方便～） 所以JR山陽本線係必須o既交通工具， 但山陽本線通常每個鐘得2班車， 所以要上西日本JR個網度睇定時刻表 （4）個人經驗：尾道第一ホテル (尾道第一酒店) 沒有wifi， 唔知其他酒店有無wifi呢，如果無wifi就想上網， 就唯有去市內唯一一間7-11， 沿著海邊行就會搵到（海岸通り附近） （5）除左尾道市，來lee度旅行仲有一個好正o既活動， 就係踩單車由本州（尾道市）橫越瀨戶內海上六條大橋去到四國（今治市）， 之後再寫一篇blog介紹= =" https://www.facebook.com/notes/liupay/%E5%B0%BE%E9%81%93%E6%97%85%E8%A1%8C%E5%B0%8B%E6%89%BE%E6%BC%AB%E7%95%AB%E7%97%95%E8%B7%A1/391097297659148 橫越瀨戶內海的單車線，しまなみ海道，上網搵資料中文通常譯為「島波海道」～ 為了這次旅行screen capture了google map， 再自行畫上路線=] ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 以下貼上一d我係尾道搵到同漫畫場景match o既相： JR尾道駅~ JR山陽本線車身~ 由尾道海邊望向對岸（向島）的景，造船廠吊臂的彩燈～（左面是漫畫書的書皮～） 橫越鐵路，連接山邊和海邊的行人天橋～ 尾道駅外附近～ 由向島搭船回尾道的畫面～（山上是尾道城） 向島大橋～ 尾道海邊～ 尾道海邊～（漫畫中經常出現的長椅～） 又出現了～ ... 位於商店街的「大和湯」，故事中它設定為澡堂，但大家不要幻想了， 佢真實並不是澡堂，只是一間雜貨店= =(不排除以前真的是一間澡堂～) 尾道帆布～ 火車路軌～ 三重塔～ 上千光寺公園的纜車～ 由千光寺行落山經過的一個空地，真係有好多貓～ 多貓空地的另一角度～ 千光寺的大悲閣，拉動那串佛珠會「噠、噠、噠、噠……」響～ 唔知咩o黎～ 千光寺－「南無千手觀世音菩薩彩旗」～ 千光寺附近，文學之道～ 尾道港口～ 由纜車站望上山～ 坂道～ 又係坂道～（lee篇blog，我畫的那張圖畫也是這個景～） 坂道途中～ 坂道會途經墓地，有好多寺廟係附近，一d都唔驚= ="～ 地藏菩薩～ 坂道again～ 坂道的起點～（那布告欄上有坂道地圖～） 「日立造船」，我也是在JR上影這個牌～ 影這張相時，我搭緊JR快到達尾道，所以我同漫畫一樣「我好開心」@@" 商店街~ 坂道途中～ 坂道途中有唔少甜品店～ 故事有次講到佢地去左広島，宮島，嚴島神社旅行～ BLOG: http://blog.yahoo.com/liupay/ http://blogcity.hkheadline.com/liupay Like my Facebook page=] LiuPay 宣傳你的專頁
