尾道， 日本本州西南広島縣的一個港口小城市， 因為沉迷漫畫的關係， 這個夏天我去了這裡旅行。 請看這篇： https://www.facebook.com/notes/liupay/%E5%B0%BE%E9%81%93%E6%97%85%E8%A1%8C%E5%B0%8B%E6%89%BE%E6%BC%AB%E7%95%AB%E7%97%95%E8%B7%A1/391097297659148 上文提到尾道係一個寧靜o既小城市， 坂道、寺廟、神社、貓石、商店街， 一幅幅日本小城鎮的畫面以外， 尾道還有活力既另一面， 就係踩單車！！ ========================================== 唔知道大家對日本地理知識到哪個程度， 北北北北北 海海海海海 道道道道道 本本本 本本本 本本本本本 本本本本本 本本本本 本本本本本本 本本本本本本本 州州州州州州州州州 州州州州州州州州州州州州州州州 州州州州州州州州州州州州州州州 州州州州尾道州州 州州 九九九九九九 四四四四四 九九九九九九 四四四四四 九九九九九九 国国国国国 州州州州州州 国国国国国 州州州州州州 州州州州州州 以上係一幅簡單o既日本地圖， 看到東京，大阪，尾道吧～ 咁點解無啦啦我要搬出日本地圖呢？ 因為尾道踩單車特別之處， 就係長達七十公里，跨越瀨戶內海， 到達對岸四国o既愛媛縣今治市～ ＝＝＝＝＝＝＝＝＝＝＝＝＝＝＝＝＝＝＝＝＝＝ lee條路其實係一條公路，但同時附有單車徑， 條路o既名叫做「しまなみ海道」， 上網搵資料就search「島波海道」或「島並海道」啦~ 由尾道去四国， 中間要經過六條大橋，經過六個小島， lee d散落係瀨戶內海o既小島有好多景點， 既寧靜，又不覺荒蕪~ 上層行車、下層行人和單車的因島大橋（左）和 露天的生口島大橋（右） 踩單車過大橋～係香港體驗唔到～ 踩單車穿越一個又一個民居聚落～ 全程長七十公里o既しまなみ海道， 如非運動員，基本上都要用兩日完成， 係中間的小島上度宿一宵， 而我就偷步，搭船去到生口島瀨戶田町開始踩， 個度大約係35公里左右，剛好一半， 用一日去踩單車=] ＝＝＝＝＝＝＝＝＝＝＝＝＝＝＝＝＝＝＝＝＝＝＝ 無上網，但係酒店load定個map， 一路踩一路用gps定位， 路徑清晰，不用找路， gps真的只是用來定位， 確認自己踩到哪裡~ 當然，租單車那處也有地圖可以拎～ 再一次，當然，上網有地圖可以download定～ http://www.go-shimanami.jp/download/cycling/cycling_map_hantai.pdf 以下地圖並非正常地圖，正北方在右上方。 這是由生口島到尾道的地圖～ 有唔同難度：紅點最易踩，橙點中級，藍點最難踩～ 如果有景點想去，可按需要踩唔同路段～ 以上係我踩o既路線～ ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ しまなみ海道踩單車注意事項： （一）、上網話しまなみ海道好多地方租單車，但在尾道租比較穩陣， 租車處係尾道jr站海邊，在尾道第一ホテル酒店對面。 （二）、租單車由早上7點做到下晝6點，佢要求6點前一定要還車， 係租車處周圍都寫住準時還車，可能太多人遲還… 預算好時間去租車，如果搭船就更要預好， 因為尾道去生口島（即瀨戶田）個幾鐘先有一班船， 船程40分鐘。(唔太記得價錢，人同單車都要收費，大約100港紙) 尾道去生口島瀨戶田船期（update August 2013） 船身寫明了目的地～ 來往尾道向島o既渡船，每5分鐘就有一班，船程2分鐘， 營業至晚上10點～ 福本渡船係其中一間尾道水道上既渡船～ （三）、揀單車時，小心check清楚架單車有無爆軚， 因為30公里唔係短，爆軚踩得真係好金…點解我知？ 因為我一起步就爆左軚，踩到嘔= =”” （四）、沿途都有非常清晰指示，唔會走錯路， 馬路上的藍線就是單車路線的標誌，綠色正方標誌也是， 藍線仲會每一公里提你一次剩餘距離～ （五）、日本踩單車規矩上唔可以係行人路上踩， 但當地人都完全唔理，所以放心踩啦～ 在有行人路在旁的路段，藍線會比較窄，踩左行人路上比較安全， 在沒有行人路的路段，藍線就會闊d~ （六）、唔使擔心飲水，因為自動售賣機係日本實在太普遍， 海道所經過的民居門口幾乎都有一部，絕對不會渴死! 而且路途中有好多Lawson便利店~ （七）、成條海道有好多景點，係網上、單車地圖都有介紹， 但係咪全部都去得過呢= =…見仁見智，例如因島水軍城…實在… （八）、去旅行唔好太勉強自己o既體力，上斜就推車啦， 雖然網上話中途有巴士返回尾道，但踩左成日都唔係好見到， 所以，留力完成全程比較重要 ＝＝＝＝＝＝＝＝＝＝＝＝＝＝＝＝＝＝＝＝＝ 分享一下少少相： 等船去生口島瀨戶田～ 向島海邊到處都係沙灘，不時都有人在活動～ 踩住單車影相～ 因島大橋（左）和 生口島大橋（右）o既收費箱～ 大家講個「信」字，自動自覺比錢過橋～ （收費箱附近有得給紀念印仔～） 因島水軍城... 水軍城就係山頂，行長梯級上去...但其實係無野好睇... 因島水軍城城主姓「村上」，家紋係㊤，所以周圍都係lee個圖案～ Souvenir Shop都無開門... 唔值得去...~ 係因島水軍城山腳符近的迴轉壽司店， 估唔到周圍一片寧靜的小鎮都有lee d野食， 平時佢做咩人生意維持ga呢= =? (幾好食～) 揀架有籃的車，方便拎水飲～ 生口島下船處～ 生口島瀨戶田町的商店街～ 係瀨戶田商店街尾的耕三寺，很後悔當時無入去參觀， 之後上網睇返原來入面好靚～ 起點，瀨戶田商店街的炸薯餅，超超超好食～（而且早上這裡的餐廳都沒開門，只能食這間～） BLOG: http://liupay.pixnet.net/blog Pixnet Blog http://blogcity.hkheadline.com/liupay 頭條日報Blog Like my Facebook page=] LiuPay 宣傳你的專頁
