接︰上一篇 四國獨遊 – 關西鐵道篇 幾經辛苦(對我係享受啦),終於上咗岡山開嘅Marine Liner, 話說四國JR Pass竟然無喺岡山設窗口,搞到呢程車要俾錢,實在唔抵! 建議JR喺岡山開個counter用嚟開Pass。 入番正題,經過一段岡山和瀨戶市區之後,喺茶屋町同宇野線分離, 正式踏上全世界最長嘅鐵路道路兩用嘅瀨戶大橋,進入四國,心情都特別緊張。 比個Tips大家,如果想睇風景的話,強烈建議坐車頭, 因為Marine Liner使用223系5000番台,車頭有4個Green Car位, 記住揀1C/1D位,睇景一流。 不過為咗慳錢,我決定坐車尾,由車尾望番成段瀨戶大橋, 慳番幾百yen又可以睇景! 車尾景色其實都唔係咁差姐,開住110km/h睇住對面架車飛快走過,好過癮! 中途仲見到Anpanman特別列車,可惜影唔切...... 如果坐住佢果橋果種感覺簡直就係爽死! 近一個鐘車程後,終於嚟到夢想中的地方 -- 四國。 一落車空氣都清新過香港多多聲,首先梗係要影吓相啦, 落車無幾耐就有架Marine Liner開走,半個鐘一班真係好方便! 剛剛我坐果架Marine Liner 準備開去松山嘅石錘號「いしづち」8000系列車, 點解個車頭可以咁樣衰,但另一邊就型爆! 高德線1200系One Man Control列車Orange-City行 四國普通電車代表121系 予讚線坂出行 影夠之後出站, 好想講去,媽!我終於到咗四國啦! 由高松站行去酒店途中,見到琴平電鐵。 雖然聽日會坐,但仍然忍唔住要影 第一日鐵路旅程就此告一段落,寫埋個火車之旅先講各地景點啦!XD