譚仔米線同譚仔三哥好多人都分唔清，抱住佢地既野都係差唔多姐，所以小編都一直係見到邊間就食邊間，（曾以為三哥大件夾抵食D，所以成日食三哥，但少年我實在太衝動喇！） 今次決定試下用蕃茄湯豬肉米線做個比拼！ 首先，價錢方面： 譚仔外賣$32 三哥外賣唔分湯係$31 左方係三哥，右方係譚仔 譚仔外賣無問分唔分湯既問題，因為佢自動已經分左湯。蕃茄湯顏色較淺，油分較多，睇落都似新鮮。 三哥無分湯，但一開就有見到一堆茄醬，所以顏色較鮮紅，油分都多。 豬肉方面大大小小加埋，譚仔都有十幾塊。 三哥豬肉都不少，都有十幾塊，但三哥豬肉較大，無乜碎肉。 綜觀兩碗米線， 三哥 譚仔 價錢： 外賣不分湯$31,但分湯需另加$1,若分湯的話，就同譚仔一樣價錢。 外賣自動分湯，$32 湯底： 顏色較紅，但蕃茄味較少，似用了茄膏，味道過甜。 顏色較淺，有蕃茄鮮甜味，亦有真正蕃茄粒在內。 豬肉： 豬肉吸左蕃茄湯既甜味，（只係甜味）件數合理，豬肉口感較滑，體積亦較大。 豬肉吸左蕃茄湯既香味，但豬肉口感有D（鞋），件數合理，體積有大有小。 米線： 三哥米線浸在湯中，所以較軟，份量好似比譚仔多。 譚仔自動分左湯，放左米線入去，湯唔夠熱，結果食落去有D硬。 以前一直覺得三哥較抵食，但今次真正比較下，覺得兩者肉類份量差不多，但米線份量上三哥略勝一籌；但味道上拿蕃茄湯底為例，就譚仔好好多。 等下次比較埋其他湯底，再同大家分享！
