踏入七月,終於放暑假喇!YEAH!早於半年幾前就已經買左HK Express平機票去越南,但由於飛機又轉時間,朋友又臨時去唔到,所以就退左款,買去台中既機票,台中其實已經去過兩次,所以都唔洗點PLAN,只係訂左酒店,就安心的等出發!但⋯⋯出發前屋企又發生左D事,令我地決定唔去了,酒店又取消左,由於機票無得退款,就由佢啦~ 結果,7月2日出發,我地7月1日先決定重新出發,於是拿拿臨訂返酒店,買埋保險就出發喇!(WOW!真係好刺激啊!) 由於今次全程都無PLAN過,所以行程真係好HEA⋯⋯結果行程如下: DAY1 (02/07/2016: 18:20 UO 192 )HKG to RMQ DAY2 (03/07/2016 紅點文旅、家樂福、無老鍋) DAY3 (04/07/2016 九六素食、大魯閣空中飛梯、草悟道、大遠百、鼎王) DAY4 (05/07/2016 梧樓漁港、本草堂素食火鍋、九乘九文具店、中華夜市) DAY5 (06/07/2016 日日新大戲院、仁義牛肉麵、東海商圈、機場Bye Bye) 香港機場地勤人員問我之前有無去過台灣,我話有,但用特區護照入,而今次就用BNO,而我又用左BNO整左網上簽證,地勤人員話咁樣係持有雙重國籍,台灣有權唔俾我入境,所以要我去果邊搞落地簽證。(大拿拿又要拎多NT300出黎,折合HKD75。嗚哇~) 一落機,就即衝左起去搞落地從簽證,台中機場既落地簽證位好細,一落到去轉右就有個好似銀行櫃位既COUNTER,果度就係整簽證既地方喇! 好彩我口多多問下職員,原來我呢個情況係無問題,佢話如果係BN就唔得,BNO就無問題,仲話香港地勤成日都搞錯左=_="結果我又慳返NT300喇!哈哈~ 之後由於太肚餓既關係,我等唔切喇,就衝左去搭的士出返市區。今次第一晚住既係中區綠柳町文旅,距離機場都幾遠,車費要NT645(HKD162)好貴啊/_\ 但去到之後,就覺得都不錯的~ (大門,旁邊有粒細細粒開門鍵,可能係我眼大睇過龍,完全唔知呢度係門!) (等■位置,好可愛的裝潢) (房間⋯⋯不過不失啦,但係床度發現幾條頭髮⋯⋯) (丫⋯⋯唔記得介紹,今次住既係6樓09號房) 之後,我地就問旅館借左兩架單車,踏左一陣就到中華夜市喇!(行的話都要行好遠,行大約十分鐘左右啦!) 第一間食既係阿水師老店,其實我地只係隨心求其,好餓啊!入啦!就入左去食喇! (台灣D野對比起香港,真係好平!) (師傅炒緊我個肉絲炒麵)點擊圖片放大 (我地一共叫左肉絲炒麵、魯肉飯同花枝湯。 嘩!佢個花枝湯真係花枝黎GA,仲好多添! 肉絲炒麵無之前台北寧夏夜市食既咁好味,可能因為呢度D汁有少少藥材味,一開始食會唔慣,但食食下又幾好味! 魯肉飯雖然睇落好細碗,但食落都幾飽!) 食完一餐,K小姐已經飽到唔想食,但L先生就唔夠喉,之後就去左食蚵仔煎喇!)點擊圖片放大 (嘩!粒蚵仔仲大過我成隻眼啊!下面仲有好多菜,好好味啊!) 食完其實都已經飽飽地,但返去文旅仲有一段路,我地就決定買野返去食 (邱記,雞肉串好味到不得了,又軟又多汁! 雞皮同香港既好唔同,香港會燒到脆口,但呢度又肥又多油又唔脆,好失望!) 買完之後,已經23:30 喇,就快快衝返去白白豬瞓喇! Good Night!