今日同大家介紹一個瑞士蘇黎世超有特色嘅傳統節日——Sechseläuten（德文意思係「六點鐘鐘聲」）！呢個係蘇黎世人好重視嘅一年一度盛事！✨ Credit: sechselaeuten呢個節日有咩咁特別？Sechseläuten 源自於古老行會制度。佢不止係一個節日，更代表住冬天嘅終結，同時迎接春天嘅來臨🌸 簡單講：係瑞士人送走冬天、迎接春天嘅方式！節日源於兩個傳統： 🔔 一來係以前行會（guild）會喺夏天延長工時到六點，鐘聲就係開始新季節嘅象徵； 🔥 二來係以前細路會喺春天燒「Böögg」—— 一個帶恐怖面具嘅稻草人（類似香港人細個講嘅「大頭綠衣」），趕走冬天嘅陰霾。蘇黎世全城出動！當日，蘇黎世市中心熱鬧到不得了，街頭有花車巡遊、傳統服飾行會大遊行（Guild Parade）、鼓聲齊鳴、旗幟飄揚，好似現場睇緊歐洲版嘅長洲太平清醮！當地市民會點做？好得意嘅一個文化特色係：本地人會預備鮮花、巧克力、小禮物等，送俾行會成員，係一種對佢哋傳統手藝與歷史地位嘅尊重；而好多屋企會將花束放喺窗邊迎隊伍，場面好溫馨。🍞 巡遊會點回禮？參與行會嘅人亦唔吝嗇：🥖 會喺花車上拋出新鮮麵包，象徵豐收；🍬 派糖果畀小朋友，代表甜蜜祝福；🍷 仲有紅酒派發畀觀眾，傳統認為紅酒可以驅寒、慶祝春回大地！氣氛好似嘉年華一樣，大家都好投入，連遊客都可以一齊參與！焚燒雪人重頭戲 ☃️🔥重中之重，當然係燒高達 3.4 米 嘅雪人「Böögg」啦！佢象徵住冬天，而入面藏咗煙花，傳統上：💥 爆得快＝夏天會熱又陽光普照🌞 ⏳ 爆得慢＝夏天會濕又多雨☔通常5至12分鐘內爆頭，先算係好兆頭。不過⋯⋯ 🥁🥁🥁 Credit: Keystone今年 Böögg 用咗足足 26 分鐘30秒先爆頭！睇嚟 2025 嘅夏天，瑞士都未必會好天啦～🤣🙈Fun Facts1923年：太大雨，Böögg完全點唔着……全城黑面。1993年：Böögg 突然「起死回生」，個頭彈咗出嚟要逃走，最後都畀人拎返入火堆。1941-1943：二戰期間因為要種菜，連廣場都唔可以用嚟燒雪人，Böögg 一度被放流去湖邊，仲跌咗入湖！最後都要拎返個頭出嚟燒。2006年：Böögg 竟然俾「革命分子」綁架咗，留低朱古力復活兔同鐮刀鐵鎚標誌，話佢唔想再「為資本主義人頭落地」！從此官方會預備幾個「備用雪人」，仲放喺銀行保險庫入面，勁誇張！疫情都唔阻止得到 🔥Sechseläuten 雖然因為 COVID 喺 2020 同 2021 年取消咗現場活動，但瑞士人真係好堅持傳統：2021年竟然喺一個山谷中秘密燒雪人，再直播俾全國睇，夠晒戲劇性！想跟我呢一個居瑞港人一起了解瑞士文化就 follow 我 Instagram 和 Facebook 啦～！
